The news is by your side.

Advertisement

معروف ہالی ووڈ اداکاربل کوسبی جنسی زیادتی کےمقدمےمیں مجرم قرار

لاس اینجلس : امریکی عدالت نے معروف ہالی ووڈ اداکار بل کوسبی کو جنسی زیادتی کے مقدمے میں مجرم قرار دے دیا۔

تفصیلات کے مطابق امریکہ کی عدالت نے ہالی ووڈ کے مزاحیہ اداکار بل کوسبی کو 2004ء میں سابق باسکٹ بال کھلاڑی آندریا کونسٹینڈ کو نشہ آورچیز پلانے اور ان کے ساتھ جنسی زیادتی کرنے کے جرم میں مجرم قرار دیا ہے۔

معروف اداکار بل کوسبی نے الزمات کی تردید کرتے ہوئے کہا کہ معاملہ باہمی رضامندی کے ساتھ پیش آیا تھا اور ان پرزیادتی کا الزام لگایا گیا ہے۔

دوسری جانب بل کوسبی کے وکیل نے آندریا کو رقم کے لیے جھوٹا الزام لگانے والی عورت قرار دیا اور کہا کہ وہ عدالتی فیصلے کے خلاف اپیل کریں گے۔

بل کوسبی کو جنسی زیادتی کےمقدمے میں فرد جرم عائد ہونے پر 10 سال کی قید کا سامنا ہے لیکن ابھی تک یہ فیصلہ نہیں کیا گیا کہ قیدکی سزا کب سے شروع ہوگی جب تک سزا شروع نہیں ہوتے اس وقت تک وہ ایک ملین ڈالر کی زر ضمانت جمع کراکر اپنے گھر میں رہ سکتے ہیں۔

خیال رہے کہ بل کوسبی 80 کی دہائی کئ مشہور ٹی وی سیریز دی کوسبی شو کے حوالے سے مشہور ہیں جبکہ یہ دوسری باری ہے کہ اداکار کو جنسی زیادتی کے مقدمے کا سامنا کرنا پڑرہا ہے اس سے قبل جون 2017 میں جیور کسی فیصلے پر نہ پہنچ سکی تھی۔

واضح رہے کہ معروف ہالی ووڈ اداکار بل کوسبی پر ماضی میں بھی درجنوں خواتین نے جنسی زیادتی کے الزمات لگائے تاہم اداکار ان کی تردید کرتے رہے۔


خبر کے بارے میں اپنی رائے کا اظہار کمنٹس میں کریں، مذکورہ معلومات کو زیادہ سے زیادہ لوگوں تک پہنچانے کے لیے سوشل میڈیا پر شیئر کریں۔

Comments

comments

یہ بھی پڑھیں