بل اینڈ میلنڈا گیٹس فاؤنڈیشن کے شریک چیئرمین بل گیٹس نے اپنی بیٹی جینیفر گیٹس کی 26ویں سالگرہ کے موقع پر جذباتی پیغام لکھا ہے۔
فوٹو اینڈ ویڈیو شیئرنگ ایپلی کیشن انسٹا گرام پر بل گیٹس نے تصویر شیئر کی جس میں انہیں بیٹی جینیفر کے ہمراہ ڈانس کرتے ہوئے دیکھا جا سکتا ہے۔
یہ تصویر جینیفر گیٹس کی شادی کے موقع پر لی گئی تھی۔ بل گیٹس نے تصویر کے ساتھ جذباتی پیغام بھی تحریر کیا ہے۔
انہوں نے لکھا کہ اس بات پر یقین کرنا مشکل ہے کہ تم آج 26 سال کی ہوگئی ہو، تم نے آج تک جو کچھ بھی کیا، مجھے اُس پر فخر ہے۔
بل گیٹس نے مزید لکھا کہ ہم اسی طرح کئی سال تک ڈانس کرتے رہیں گے۔
View this post on Instagram
خیال رہے کہ مائیکرو سافٹ کے بانی بل گیٹس اور ملینڈا کے درمیان گزشتہ سال اگست میں طلاق ہو گئی تھی۔ دونوں نے 27 سال بعد شادی ختم کرنے کا فیصلہ کیا تھا۔ بل گیٹس اور ملینڈا کی جانب سے ایک مشترکہ بیان جاری کیا گیا تھا جس میں ان کا کہنا تھا کہ انہوں نے بہت سوچ و بچار کے بعد شادی ختم کرنے کا فیصلہ کیا۔
— Bill Gates (@BillGates) May 3, 2021
بعد ازاں ایک انٹرویو میں ملینڈا نے بل گیٹس سے طلاق کی وجہ بتائی تھی۔ ان کا کہنا تھا کہ علیحدگی کی وجہ صرف ایک لمحہ یا چیز نہیں، دراصل میری زندگی میں ایک وقت ایسا بھی آیا کہ مجھے احساس ہوا کہ اب ہمارا رشتہ اچھا نہیں رہا اور میں اب اس پر اعتماد نہیں کر سکتی۔
ملینڈا نے کہا تھا کہ ویسے تو میں نے بہت زیادہ آنسو بہائے لیکن اب میں اپنے مستقبل کے لیے بہت زیادہ پُرجوش ہوں، مجھے لگتا ہے کہ اب میں دوسری جانب جا رہی ہوں اور میں نے ایک باب کے صفحے کو پلٹ ڈالا ہے۔
