The news is by your side.

Advertisement

بلدیاتی بل 2019 اسمبلی میں پیش کریں گے: وزیر قانون پنجاب

لاہور: وزیر قانون پنجاب راجہ بشارت نے کہا ہے کہ بلدیاتی بل 2019 اسمبلی میں پیش کیا جائے گا، نیا بلدیاتی نظام صحیح معنوں میں عوامی امنگوں کا ترجمان ہوگا۔

تفصیلات کے مطابق پنجاب کے وزیر قانون نے کہا ہے کہ نیا بلدیاتی بل اسمبلی میں پیش کریں گے، توقع ہے کہ اپوزیشن اقتدار نچلی سطح تک منتقلی کے لیے مثبت رویہ اپنائے گی۔

راجہ بشارت نے کہا کہ پنجاب اسمبلی مفاد عامہ کی قانون سازی میں سب سے آگے ہے، قانون سازی آئین اور اسمبلی رولز کے تحت کی جاتی ہے، اپوزیشن کے دباؤ سے قانون سازی سے دست بردار نہیں ہو سکتے۔

وزیر قانون کا کہنا تھا کہ بلدیاتی بل 2019 سے متعلق اعتراضات حقائق کے منافی ہیں، یہ بلدیاتی نظام صحیح معنوں میں عوام کے امنگوں کی ترجمانی کرے گا۔

یہ بھی پڑھیں:  پنجاب حکومت بارشوں سے متاثرہ کسانوں کے نقصان کا ازالہ کرے گی

راجہ بشارت نے کہا کہ حکومت نے ہمیشہ اپوزیشن کو ساتھ لے کر چلنے کی کوشش کی ہے، اس لیے بل کے سلسلے میں ان سے مثبت رویے کی امید رکھتے ہیں۔

خیال رہے کہ وزیر اعلیٰ پنجاب کے سیاسی معاون برائے مذہبی امورسید رفاقت علی گیلانی نے کہا ہے کہ پنجاب میں حالیہ بارشوں و ژالہ باری سے فصلوں کو پہنچنے والے نقصانات کا سروے کیا جا رہا ہے اور اس ضمن میں حکومت نے بورڈ آف ریونیو اور پی ڈی ایم اے کو ہدایات جاری کر دی ہیں۔

Comments

comments

یہ بھی پڑھیں