The news is by your side.

Advertisement

انسداد پولیو مہم، بل گیٹس کی جانب سے پاک فوج کے کردار کا اعتراف

راولپنڈی: مائیکروسافٹ کے بانی بل گیٹس نے انسداد پولیو مہم میں پاک فوج کے مثبت کردار کا اعتراف کرلیا۔

پاک فوج کے شعبہ تعلقاتِ عامہ (آئی ایس پی آر) سے جاری بیان کے مطابق آرمی چیف جنرل قمرجاویدباجوہ کو مائیکرو سافٹ کے بانی بل گیٹس نے ٹیلی فون کیا اور پاک فوج کی پولیوکےخاتمےکی کوششوں کو سراہا۔

آرمی چیف نےانسداد پولیو کیلئےبل گیٹس کی عالمی کاوشوں کو سراہا اور  پاکستان کی جانب سے انسداد پولیو مہم کے لیے اپنے بھرپور تعاون کی یقین دہانی کروائی۔

واضح رہے کہ قبائلی علاقوں میں انسدادپولیو ٹیموں سیکیورٹی کی ذمہ داری پاک فوج کو دی گئی ہے کیونکہ دہشت گرد قبائلی علاقوں میں پولیوٹیموں کونشانہ بناتے تھے۔

وزارتِ صحت نے انسداد پولیو کے لیے پاک فوج کو میڈیا مہم کی ذمہ داری بھی سونپی تھی جس کے بعد قبائلی علاقوں میں پولیو ویکسی نیشن کے لیے خصوصی اقدامات کیے گئے۔

مزید پڑھیں: پولیو خاتمے سے متعلق پاکستان سےبھرپورتعاون جاری رہے گا،بل گیٹس

خیال رہے کہ دہشت گردوں نے پولیو ویکسین کو غیر شرعی اور حرام قرار دے رکھا تھا مگر پاک فوج کے خصوصی اقدامات کے بعد سے خصوصاً قبائلی علاقوں سے پولیو کیسز رپورٹ ہونے بہت کم ہوگئے۔


خبر کے بارے میں اپنی رائے کا اظہار کمنٹس میں کریں‘ مذکورہ معلومات  کو زیادہ سے زیادہ لوگوں تک پہنچانے کےلیے سوشل میڈیا پرشیئر کریں

Comments

comments

یہ بھی پڑھیں