اسلام آباد : سینیٹ کی قائمہ کمیٹی برائے پلاننگ کے اجلاس میں بلین ٹری سونامی پروگرام میں بلوچستان میں صرف 60 لاکھ پودے لگائے جانے کا انکشاف ہوا۔
تفصیلات کے مطابق سینیٹ کی قائمہ کمیٹی برائے پلاننگ کا اجلاس ہوا ، جس میں پلاننگ کمیشن نے بتایا کہ بلین ٹری سونامی پروگرام مکمل کرلیا گیا ہے۔.
اجلاس میں بلین ٹری سونامی پروگرام میں بلوچستان میں صرف 60 لاکھ پودے لگائے جانے کا انکشاف سامنے آیا ، سینیٹردنیش کمار نے کہا کہ بلوچستان کیلئے صرف60لاکھ پودے رکھے گئے۔
چئیرمین کمیٹی نے کہا کہ رقبے کےلحاظ سے45فیصدکابلوچستان ہےحیران کن بات ہے، پودے کہاں کہاں ہیں کتنےسائزتک پہنچ چکےہیں؟ بلوچستان کے2ارکان کو صوبے میں کوئی پودا دکھائی نہیں دیا۔
سینیٹردنیش کمار کا کہنا تھا کہ پلاننگ کمیشن ان60لاکھ پودوں کی تفصیلات منگوا کر دکھائیں، جس پر کمیٹی نے وزارت کلائمنٹ چینج کو تفصیلات کے ساتھ بلانے کا فیصلہ کرلیا۔
چئیرمین کمیٹی نے کہا کہ کلائمنٹ چینج صوبوں کی تمام تفصیلات بھی لائیں۔
اے آر وائی نیوز کی ڈیجیٹل ڈیسک کی جانب سے شائع کی گئی خبریں