ٹوکیو: جاپان کے امیر ترین افراد میں شمار ہونے والے ارب پتی شخص نے 30 ہزار خواتین کے دل توڑ دیے۔
غیرملکی خبررساں ادارے کی رپورٹ کے مطابق جاپان کے 22ویں امیر ترین کہلانے والے یوساکو نامی شخص نے اعلان کیا تھا کہ اسے ایک ایسی خاتون دوست کی تلاش ہے جس کے ساتھ وہ چاند کا سفر کریں گے۔
یہ اعلان یوساکو کی جانب سے مقامی نجی ٹی وی کے ذریعے کیا گیا جس کے بعد دیکھتے ہی دیکھتے ہزاروں کی تعداد میں امیدوار سامنے آگئیں جنہوں نے خواش کا اظہار کیا کہ وہ ان کے ساتھ چاند پر جانا چاہتی ہیں۔
تیس ہزار کے قریب خواتین امیدوار کا دل اس وقت ٹوٹ گیا جب مذکورہ شخص نے سماجی رابطے کی ویب سائٹ ٹوئٹر پر یہ افسوس ناک خبر دی کہ وہ ذاتی وجوہات کی بنا پر اپنا منصوبہ معطل کررہے ہیں۔
چاند گاؤں: مریخ کی طرف سفر کا پہلا پڑاؤ
انہوں نے کہا کہ مجھے بہت افسوس رہے گا کہ میں اپنا یہ پلان ختم کررہا ہوں، تاہم ان تمام خواتین کا شکریہ جنہوں نے میرے ساتھ چاند پر سفر کرنے کی خواہش ظاہر کی، میں ایسی تمام خواتین سے دل سے معافی مانگتا ہوں۔
یوساکو کا کہنا تھا کہ میں نجی ٹی وی سے بھی معذرت خوا ہوں جنہوں نے اس منصوبے کی تکمیل کے لیے پروگرام کا آغاز کیا اور ہزاروں خواتین منظر عام پر آئیں، میں تمام ٹی وی ملازمین سے بھی معافی مانگتا ہوں۔
