The news is by your side.

Advertisement

بائیو میٹرک سسٹم پر منتقل نہ ہونے والے بینک اکاؤنٹس آج سے بند ہو جائیں گے

لاہور : بائیو میٹرک سسٹم پر منتقل نہ ہونے والے بینک اکانٹس آج بروز پیر سے بند ہو جائیں گے، ملک بھر میں بینک اکاﺅنٹس کی بائیو میٹرک تصدیق کرانے کے لئے بینک اتوار کے روز بھی کھلے رہے۔

تفصیلات کے مطابق اسٹیٹ بینک کے حکم نامے میں کہا گیا تھا کہ تمام اکاؤنٹس ہولڈرز اپنے اکاؤنٹس کی بائیو میٹرک تصدیق کروقالیں بصورت دیگر 30 جون تک بائیو میٹرک سسٹم پر منتقل نہ ہونے والے بینک اکاﺅنٹس بند کردیئے جائیں گے۔

حکام کے مطابق اب تک لاکھوں بینک اکاﺅنٹس بائیو میٹرک سسٹم پر منتقل کر لیے گئے ہیں۔ ملک بھر کے مختلف بینکوں میں 60 سے 80 فیصد اکاﺅنٹس بائیو میٹرک نظام پر منتقل کیے جاچکے ہیں۔

نیشنل بینک کے ترجمان ابن حسن کے مطابق نیشنل بینک میں 30 لاکھ سے زائد اکاﺅنٹس بائیو میٹرک سسٹم میں آچکے ہیں اور تقریباً 80 فیصد اکاﺅنٹ ہولڈرز نے بائیو میٹرک تصدیق مکمل کر لی گئی ہے۔

واضح رہے کہ اسٹیٹ بینک نے تمام اکاؤنٹس ہولڈرز کو بائیو میٹرک کرانے کا حکم دیا تھا، جس میں لسٹڈ، پبلک لمیٹڈ، ذاتی اکاؤنٹ رکھنے والے شامل ہیں، حکم نامے میں ایک ہزار ملین سے زائد اثاثے رکھنے والے کو تیس نومبر تک بائیو میٹرک کرانے کا حکم دیا گیا۔

مزید پڑھیں: گھر بیٹھے بینک اکاؤنٹ کی بائیو میٹرک تصدیق، بینکوں نے موبائل ایپلی کیشن متعارف کرادی

اسٹیٹ بینک کے مطابق پانچ سو ملین رکھنے والی پبلک لمیٹڈ کمپنیز اکتیس جنوری تک بائیو میٹرک کرائیں گی جبکہ انفرادی بینک اکاؤنٹس رکھنے والے افراد تیس جون دوہزار انیس تک لازمی بائیو میٹرک کے پابند ہوں گے۔

Comments

comments

یہ بھی پڑھیں