The news is by your side.

Advertisement

پرندوں سے جہازوں کو بچانے اور ہوائی سفر محفوظ بنانے کیلئے سی اے اے کا فیصلہ

کراچی : پرندوں سے جہازوں کو بچانے اور ہوائی سفر کو محفوظ بنانے کیلئے سی اے اے نے بڑا فیصلہ کرلیا، کراچی، لاہور، ملتان، فیصل آباد اور اسلام آباد ائیرپورٹ پر جدید خود کار نظام نصب کیئے جائیں گے۔

تفصیلات کے مطابق سول ایوی ایشن اتھارٹی نے ملک کے بڑے انٹرنیشنل ائیرپورٹس پر پرندوں سے جہازوں کو بچانے کیلئے جدید خودکار برقی نظام نصب کرنے کا فیصلہ کرلیا۔

اس سلسے میں ڈی جی سی اے اے شاہ رخ نصرت نے احکامات جاری کردیئے، اس حوالے سے ذرائع کا کہنا ہے کہ کراچی، لاہور، ملتان، فیصل آباد اور اسلام آباد ائیرپورٹ پر جدید خودکار نظام نصب کیے جائیں گے۔

کراچی اور لاہور ائیرپورٹ کے اطراف کی آبادیوں میں گندگی کے باعث پرندوں کی آمد میں مسلسل اضافہ ہورہا ہے، پرندوں کی آمد کی وجہ سے جہازوں اور فضائی سفر کیلئے خطرے کا باعث بن رہے ہیں۔

کراچی اور لاہور ائیرپورٹ پر جہازوں سے پرندے ٹکرانے کے واقعات میں مسلسل اضافہ ہورہا ہے، جہازوں سے پرندے ٹکرانے سے معتلق آے ار وائے نیوز نے خصوصی رپورٹ نشر کی تھی۔

آے ار وائی نیوز کی خصوصی رپورٹ نشر کرنے پر وفاقی حکومت و ڈی جی سی اے اے نے نوٹس لیا تھا، ڈی جی سی اے اے نے ڈپٹی ڈی جی کو ہدایات جاری کی ہیں کہ ہنگامی بنیادوں پر ائیرپورٹس پر جدید برقی نظام کو لگانے کیلئے ضابطے کی کاروائی کریں۔

واضح رہے کہ عیدالاضحی پر کراچی پر گندگی اور کچرے کے ڈھیروں کی وجہ سے پرندوں کی آمد میں سب سے زیادہ اضافہ ہورہا ہے۔

سی اے اے ذرائع کے مطابق پرندوں کی آمد میں اضافہ جہازوں کیلئے خطرہ ہیں، بلدیاتی اداروں کو متعدد بار جانوروں کی آلائشیں و باقیات اٹھانے کیلئے کہا گیا لیکن تاحال کوئی اقدامات نہیں کیے گئے۔

Comments

comments

یہ بھی پڑھیں