مکہ: بارش کے بعد مکہ کے پہاڑوں پر ہریالی چھا گئی ہے، اور پہاڑوں پر خوب صورت پرندوں نے بھی بسیرا کر لیا ہے، جس کی تصاویر سوشل میڈیا پر وائرل ہو گئی ہیں۔
تفصیلات کے مطابق سعودی عرب میں گزشتہ ہفتوں کے دوران مسلسل بارش کے باعث مکہ مکرمہ کے پہاڑ سبزہ زاروں اور وادیاں پرکشش نخلستانوں میں تبدیل ہو گئی ہیں۔
ہریالی بڑھتے ہی پرندے بھی مکہ کے آسمان پر نظر آنے لگے ہیں، اس سلسلے میں ایک سعودی سعودی فوٹو گرافر منصور الحربی کی تصاویر ٹوئٹر پر وائرل ہوئی ہیں۔
طائر البلشون الابيض .#ربيع_مكة #مكة_المكرمة pic.twitter.com/DlHKQoZeCX
— منصور الحربي (@imns77) January 17, 2023
العربیہ نیٹ کے مطابق انھوں نے مکہ مکرمہ کے آسمان پر پرندوں کے جھنڈ کی تصاویر اور ویڈیو بنا کر سوشل میڈیا پر شیئر کی، تو دیکھتے ہی دیکھتے وائرل ہو گئیں۔
روئے زمین کا سب سے پاکیزہ حصہ سر سبز و شاداب ہو گیا (ویڈیوز)
منصورالحربی کا کہنا ہے کہ وہ مکہ مکرمہ ریجن میں نظر آنے والے قدرتی مناظر کی عکاسی کے لیے گھر سے نکلے تھے، مکہ کے شمال میں واقع الجموم سے گزرتے ہوئے جب نظر آسمان کی جانب گئی تو وہاں البلشون (بگلوں) کے جھنڈ خوب صورت شکل میں اڑتے ہوئے نظر آئے۔
واضح رہے کہ یہ پرندے نقل مکانی کر کے مکہ کے پہاڑوں پر پہنچے ہیں۔