معروف پاکستانی اداکارہ سجل علی آج اپنی 26 ویں سالگرہ منا رہی ہیں اور اس موقع پر ان کی ہونے والی ساس نے نہایت خوبصورت انداز میں انہیں سالگرہ کی مبارکباد دی۔
سجل علی جنہوں نے کچھ عرصہ قبل ہی اداکار احد رضا میر سے منگنی کی ہے، سماجی رابطے کی ویب سائٹ انسٹاگرام پر اپنی ہونے والی ساس کی جانب سے سالگرہ کی مبارکباد دیکھ کر خوشی سے نہال ہوگئیں۔
احد کی والدہ ثمرہ رضا نے اپنی اور سجل کی ایک تصویر شیئر کرتے ہوئے لکھا کہ یہ دنیا تمہارے ساتھ ہوتے ہوئے ایک بہترین جگہ ہے۔
سجل اس سے قبل بھی احد کی والدہ کے ساتھ ایک تصویر شیئر کر چکی ہیں جس میں انہوں نے لکھا کہ سچی خوشی وہ ہے جب ایسی ساس مل جائیں جو ایسے دیکھیں، جیسے میری والدہ مجھے دیکھتی تھیں۔
سجل کی والدہ سنہ 2017 میں انتقال کرچکی ہیں، اس وقت وہ بھارت میں سری دیوی کے ساتھ اپنی فلم مام کی شوٹنگ میں مصروف تھیں۔
بعد ازاں سری دیوی کی ناگہانی موت کے موقع پر انہوں نے کہا تھا کہ اس موت نے بھی انہیں اتنا ہی غمزدہ کیا جتنا اپنی والدہ کے بچھڑ جانے پر وہ غمزدہ ہوئی تھیں۔
