کراچی : اعلیٰ ثانوی تعلیمی بورڈ کراچی نے انٹرمیڈیٹ کے امتحانات کا شیڈول جاری کردیا، امتحانات کا آغاز 18 سے ہوگا ، جو 6 جولائی تک جاری رہیں گے۔
تفصیلات کے مطابق اعلی ثانوی تعلیمی بورڈ نے امتحانی شیڈول جاری کردیا گیا ، اس حوالے سے چیرمین انٹرمیڈیٹ بورڈ پروفیسر ڈاکٹر سعید الدین نے بتایا کہ 18 جون سے پرچوں کا انعقاد ہوگا جبکہ امتحانات 6 جولائی تک مکمل ہوں گے۔
پروفیسر ڈاکٹر سعید الدین کا کہنا تھا کہ امیدواروں کے ایڈمٹ جاری کیے جاچکے ہیں اور پرائیویٹ امیدواروں کے ایڈمٹ کارڈ گھروں ارسال کیے گئے ہیں۔
چیئرمین انٹر بورڈ نے کہا کہ باٹنی سال دوم اور اکنامکس سال دوم کے پرچوں سے امتحانات کا آغاز ہوگا، صبح کی شفٹ کے پرچے نو بجے اور دوپہر کی شفٹ کے امتحانات دو بجے شروع ہوں گے۔
واضح رہے کہ سندھ کے تمام تعلیمی بورڈ پندرہ جون سے انٹر کے امتحانات کی تیاری کو حتمی شکل دے چکے تھے تاہم بلدیاتی انتخابات کے شیڈول کے اعلان پر امتحانات کا منظور شدہ شیڈول تبدیل کرنے کا فیصلہ کیا۔
