لاہور: پاکستان کرکٹ بورڈ نے ثنا میر کو ویمنز ون ڈے ٹیم کی کپتانی سے ہٹا کر ان کی جگہ بسمہ معروف کو کپتان مقرر کردیا۔

تفصیلات کے مطابق پی سی بی نے ثنا میر کی چھٹی کردی ان کی جگہ ویمنز ٹی ٹوئنٹی کی کپتان بسمہ معروف کو ون ڈے کرکٹ ٹیم کا کپتان بنا دیا۔

ثنا میر کوویمنز کرکٹ ٹیم کی کپتانی سے ہٹا دیا گیا تاہم انہیں ون ڈے اور ٹی ٹوئنٹی ٹیم کی سلیکشن کے لیے منتخب کیا گیا ہے۔

ورلڈ کپ میں شکست: ویمن ٹیم کی کھلاڑی موٹربائیک پرگھرگئیں

خیال رہے کہ قومی ویمن کرکٹ ٹیم 17 جولائی کو ویمنز ورلڈ کپ میں مایوس ترین کارکردگی کے بعد وطن واپس پہنچی تو علامہ اقبال انٹرنیشنل ایئرپورٹ پر ان کا استقبال کرنے کے لیے کوئی آفیشل موجود تھا اور نہ ہی پی سی بی کی جانب سے ٹرانسپورٹ کا انتظام کیا گیا تھا۔

ویمنز ورلڈ کپ میں قومی ویمن کرکٹ ٹیم کی بدترین کارکردگی کا مظاہرہ کیا تھا اور ساتوں میچز میں ٹیم کو شکست کا سامنا کرنا پڑا تھا۔

بعدازاں 1 اگست 2017 کو ویمنزورلڈکپ میں پاکستانی ٹیم کی ناقص کارکردگی پر ہیڈ کوچ صبیح اظہر نے اپنی تفصیلی رپورٹ پی سی بی حکام کو بھیجی تھی جس میں کپتان ثنامیر، منیجرعائشہ اشعر اور چند سینئر کھلاڑیوں کو ٹیم کی خراب کارکردگی کا ذمہ دار قرار دیا تھا۔

بسمہ معروف ویمن ٹی ٹوئینٹی کرکٹ ٹیم کی کپتان مقرر

واضح رہے کہ گزشتہ سال 5 جون 2016 کو بسمہ معروف کو پاکستان ویمن ٹی ٹوئنٹی کرکٹ ٹیم کا کپتان مقررکیا گیا تھا۔

اگرآپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اوراگرآپ کو یہ مضمون پسند آیا ہے تو اسے اپنی فیس بک وال پرشیئرکریں۔