نیویارک : دنیا بھر میں نومبر کے آخری جمعے کو لگی سیل نے سب کو دیوانہ کردیا، امریکا کے مختلف اسٹورز میں سالانہ سیل میں شہری ٹوٹ پڑے اور افراتفری مچ گئی۔
تفصیلات کے مطابق امسال بھی نومبر کے آخری جمعے کو بلیک فرائیڈے کے موقع دنیا بھر میں صارفین کے لیے خصوصی سیل کے پیکجز متعارف کروا دیئے گئے ، دنیا بھر کے لوگوں کی جانب سے بلیک فرائیڈے کے موقع پر خریداری کا سلسلہ جاری ہے۔
واشنگٹن ، نیویارک اور کیلی فورنیا سمیت دیگرریاستوں میں سیل کا آغاز ہوتے ہی لوگوں نے شاپنگ مالز کا رخ کرلیا، لوگ بڑے ڈسکاونٹس پر خوش ہیں۔
برازیل میں بھی لوگ خریداری میں مصروف ہیں اور اسٹورز میں افراتفری مچ گئی جبکہ فرانس اور جرمنی میں دیگر شہروں میں خریداروں نے ماحولیاتی تبدیلیوں پر مالزمیں احتجاج کیا۔
خیال رہے ہر سال دنیا بھرمیں نومبر کے چوتھے ہفتے کو سیل کااہتمام کیا جاتا ہے، یہ موقع کرسمس شوپنگ سیزن بھی کہلاتا ہے، جس میں دنیا بھرخصوصاً امریکا میں سب سے زیادہ سیل لگتی ہے۔
بلیک فرائیڈے کے موقع پرعوام کی بھرمار کے سبب امریکی سپر اسٹورز میں دھکم پیل، لوٹ مار اور مار دھاڑ کے واقعات پیش آتے ہیں، جس کے سبب اسٹور مالکان پریشانی کا شکار رہتے ہیں۔
