The news is by your side.

Advertisement

مرد کو بلیک میل کرنے والی خاتون ضمانت پر رہا

لاہور: برطانوی شہری کو بلیک میل کرنے والے سیالکوٹ کی خاتون کو ضمانت پر رہا کردیا گیا۔

تفصیلات کے مطابق برطانوی شہری کو بلیک میل کرنے کے مقدمے کی سماعت مقامی عدالت میں ہوئی، عدالت نے ملزمہ سعدیہ مرزا کو 2 لاکھ روپے کے ضمانتی مچلکے جمع کرانے کا حکم دیتے ہوئے اسے ضمانت پر رہا کرنے کا حکم دے دیا۔

خیال رہے کہ خاتون سعدیہ مرزا پر لندن میں مقیم شہری احسن رانا کو بلیک میل کرنے کا الزام ہے۔

رہائی کے بعد اے آر وائی نیوز سے خصوصی گفت گو کرتے ہوئے سعدیہ مرزا کا کہنا تھا کہ ایف آئی اے کو میرے خلاف جھوٹ پر مبنی درخواست دی گئی،بے بنیاد مقدمہ بنایا گیا، میں بے قصور ہوں۔

ان کا کہنا تھا کہ بیرون ملک مقیم احسن تنگ کررہا تھا،اس نے دوستی کی بھی کوشش کی، احسن نے میرے پیچھے لوگ لگائے، یہ شخص احسن برطانیہ میں میری دوست کے گھر رہائش پذیر ہے۔

یہ پڑھیں: سوشل میڈیا پر مرد کو بلیک میل کرنے والی خاتون گرفتار

واضح رہے کہ برطانیہ میں مقیم شہری احسن رانا نے اپنے بھائی کے توسط سے ایف آئی اے کو شکایت درج کرائی تھی کہ سیالکوٹ کی رہائشی خاتون سعدیہ نہ صرف انہیں سوشل میڈیا پر ہراساں کرتی تھی بلکہ خطیر رقم کا مطالبہ بھی کیا تھا۔

دو روز قبل ایف آئی اے نے فوری کارروائی کرتے ہوئے سیالکوٹ سے ملزمہ سعدیہ مرزا کو گرفتار کر کے لیپ ٹاپ تحویل میں لے لیا تھا، مذکورہ خاتون کے دونوں بھائی بیرونِ ملک مقیم ہیں اور سعدیہ مرزا سیالکوٹ میں اکیلی رہتی ہیں۔

Print Friendly, PDF & Email

Comments

comments

یہ بھی پڑھیں