اسلام آباد: سوشل میڈیا پر گستاخانہ مواد کی تحقیقات کے لیے 7 رکنی مشترکہ تحقیقاتی ٹیم تشکیل دے دی گئی۔
اے آر وائی نیوز کے نمائندہ اسلام آباد ذوالقرنین حیدر نے بتایا کہ اسلام ہائی کوٹ نے ہدایت کی تھی کہ یہ مقدمہ بہت بڑا ہے اس کے لیے جوائنٹ انٹیرو گیشن ٹیم بنائی جائے جس پر وزات داخلہ کی ہدایت پر سات رکنی جے آئی ٹی تشکیل دے دی گئی ہے۔
ٹیم کی سربراہی ڈائریکٹر ایف آئی اے مظہر کاکا خیل کریں گے جب کہ اسلام آباد پولیس کی جانب سے ایس پی مصطفی، ڈائریکٹر ٹیکنیکل ٹریننگ یاسین فارو ق اور ڈپٹی ڈائریکٹر سائبر کرائم شہاب عظیم بھی ٹیم کے ارکان میں شامل ہیں۔
یہ پڑھیں: گستاخانہ مواد کے خلاف مسلم ممالک متحد، احتجاج کا فیصلہ
یہ ٹیم مواد اپ لوڈ کرنے اور اس میں ملوث افراد سے متعلق تحقیقات کرے گی۔
اے آر وائی نیوز کی ڈیجیٹل ڈیسک کی جانب سے شائع کی گئی خبریں