The news is by your side.

بلوچستان : کوہلو کے مرکزی بازار میں دھماکا، ایک شخص جاں بحق ،20 زخمی

کوہلو : بلوچستان کے ضلع کوہلو کے مرکزی بازار میں مٹھائی کی دکان پر دھماکے میں ایک شخص جاں بحق اور بیس افراد زخمی ہوگئے۔

تفصیلات کے مطابق بلوچستان کے ضلع کوہلو کےمرکزی بازار میں مٹھائی کی دکان پر دھماکا ہوا، جس کے نتیجے میں ایک شخص جاں بحق اور بیس افراد زخمی ہوئے۔

دھماکے سے دکان مکمل طور پر منہدم ہوگئی اور متعدد لوگ ملبے تلے دب گئے۔

زخمیوں میں سے چھ کی حالت تشویشناک بتائی جاتی ہے جبکہ کئی زخمیوں کو ملتان ریفر کردیا گیا ہے۔

دھماکے کے بعد پولیس، لیویز اور ایف سی نے علاقے کو گھیرے میں لے کر تحقیقات شروع کردی۔

صوبائی وزیر میرنصیب اللہ مری ڈسٹرکٹ ہیڈ کوارٹراسپتال پہنچے اور مریضوں کی عیادت کی۔

دھماکے کی نوعیت تاحال معلوم نہ ہوسکی تاہم سی ٹی ڈی اور قانون نافذ کرنے والے ادارے دھماکے کی نوعیت کی تحقیقات کررہے ہیں۔

مشیرداخلہ بلوچستان نے کوہلو میں دکان میں دھماکےکی شدید مذمت کرتے ہوئے ڈپٹی کمشنر کوہلو سے رپورٹ طلب کرلی۔

مشیر داخلہ نے ہدایات جاری کی ہے کہ واقعےکی تمام پہلوؤں سے جائزہ لیا جائے۔

Comments

یہ بھی پڑھیں