The news is by your side.

Advertisement

پشاور کے نواحی علاقے میں دھماکہ، ایک پولیس اہلکار شہید

پشاور: متھرا کے علاقے میں پولیس موبائل کے قریب دھماکے کے نتیجے میں ایک اہلکار شہید اور ایک راہ گیر زخمی ہوا جنہیں اسپتال منتقل کردیا گیا۔

تفصیلات کے مطابق پشاور کے نواحی علاقے متھرا میں پولیس موبائل کے قریب دھماکہ ہوا جس کے نتیجے میں ایک پولیس اہلکار شہید, ایک راہ گیر زخمی اور پولیس موبائل مکمل طور پر تباہ ہوگئی۔

دھماکے کے بعد سیکیورٹی فورسز کی بھاری نفری نے جائے وقوعہ پہنچ کر علاقے کو گھیرے میں لے لیا اور شواہد جمع کرنے شروع کردیئے اور  ملزمان کی گرفتاری کے لیے چھاپوں کا سلسلہ شروع کردیا۔

ریسکیو ٹیمیں جائے وقوعہ پر روانہ ہوگئیں اور دھماکے کے نتیجے میں زخمی اور جاں بحق ہونے والوں اسپتال منتقل کرنے کا سلسلہ شروع کردیا گیا ہے۔

اسپتال حکام کے مطابق دھماکہ کے نتیجے میں شہید ہونے والے پولیس اہکار کی شناخت نوید کے نام سے ہوئی ہے جو پولیس موبائل کا ڈرائیور تھا۔

Print Friendly, PDF & Email

Comments

comments

یہ بھی پڑھیں