لندن: برطانوی شہر گلاسگو کے ریسٹورنٹ میں دھماکا ہوا جس میں متعدد افراد زخمی، ہوٹل کے کمرے زمین بوس ہوگئے۔
تفصیلات کے مطابق برطانوی شہر گلاسگو کے نجی ہوٹل میں زرردار دھماکا ہوا جس کے نتیجے میں متعدد افراد زخمی ہوگئے جنہیں ریسکیو کرکے اسپتال منتقل کیا جارہا ہے جبکہ دھماکے سے زمین بوس ہونے والے کمروں کے ملبے کو بھی صاف کرنے کا عمل شروع کردیا گیا ہے۔
پولیس کی بھاری نفری نے جائے وقوعہ پہنچ کر علاقے کو گھیرے میں لے لیا اور اطراف کی سڑکوں پر آمدورفت بند کردی گئی ہیں تاکہ امدادی کارروائیوں میں خلل پیدا نہ ہوسکے۔
Emergency services on scene after building collapses onto road below @Glasgow_Live pic.twitter.com/SAPgamOp3G
— Gary Fanning (@Gary1Fanning) August 6, 2016
سیکورٹی اداروں نے علاقہ سیل کرکے شواہد اکٹھے کرنے شروع کردیے ہیں تاہم دھماکے کی وجہ تاحال معلوم نہیں ہوسکی، اسپتال منتقل کیے جانے والے افراد میں سے بیشتر کی حالت تشویش ناک بتائی جارہی ہے جبکہ ریسکیو اداروں کے رضاکاروں نے ملبے کے نیچے زخمیوں کی موجودگی کا شبہ ظاہر کیا ہے۔