صنعاء: یمن کے شہر عدن کے ایئرپورٹ پر دہشت گردوں نے حملہ کیا جس کے نتیجے میں اب تک 25 افراد کے جاں بحق ہونے کی تصدیق ہوگئی ہے جبکہ مزید ہلاکتوں کا خدشہ ظاہر کیا جارہا ہے۔
خبررساں ادارے کی رپورٹ کے مطابق عدن کے ہوائی اڈے پر آج اچانک اُس وقت حملہ ہوا جب نو منتخب یمنی حکومت کے وزرا جہاز سے اتر رہے تھے۔سعودی عرب سے عدن واپس پہنچنے والے طیارےمیں وزیر اعظم مائین عبدالمالک،سعودی سفیر اور دیگر اہم شخصیات موجود تھیں۔
پولیس حکام کے مطابق دہشت گردوں نے جہاز پر تین مارٹر گولے فائر کیے جس کے بعد متعدد دھماکوں کی آوازیں سنی گئیں۔ دھماکے میں وزرا اور اہم شخصیات محفوظ رہیں جنہیں حفاظتی مقام پر منتقل کردیا گیا ہے۔
رپورٹ کے مطابق عدن ایئرپورٹ پر حملے کے بعد وہاں آگ بھڑک اٹھی جس پر قابو پانے کے لیے فائر فائٹرز کو طلب کیا گیا۔
#یمن – دستکم پنج تن در نتیجۀ حملۀ راکتی بر میدان هوایی عدن جان باختند و دهها تن دیگر زخمی شدهاند. pic.twitter.com/w3Nj0qv1MA
— TOLOnews (@TOLOnews) December 30, 2020
حکام نے تصدیق کی کہ حملے کے نتیجے میں اب تک 25 افراد کے جاں بحق ہونے کی تصدیق ہوئی ہے، جو عام شہری یا ایئرپورٹ ملازم تھے۔
مقامی میڈیا نے دھماکے کے بعد کی فوٹیجز جاری کیں ہیں جن میں دیکھا جاسکتا ہے کہ رن وے پر کھڑے جہاز کے علاوہ ایئرپورٹ کے لاؤنچ اور وہاں لگے شیشے بھی ٹوٹے ہیں۔
#VIDEO: The large explosion and gunfire took place at #Yemen’s Aden Airport — https://t.co/CsizbAibwY pic.twitter.com/o2Ik21VHSw
— Saudi Gazette (@Saudi_Gazette) December 30, 2020
پولیس اور سیکیورٹی فورسز نے علاقے کو گھیرے میں لے کر وہاں پر ہر قسم کی نقل و حرکت پر پابندی لگا دی ہے، خدشہ ظاہر کیا جارہا ہے کہ دہشت گرد ایئرپورٹ کے اندر موجود ہیں۔
