کابل:افغانستان کے صوبے قندھار میں ہونے والے دھماکے میں گیارہ افراد زندگی کی بازی ہار گئے.
تفصیلات کے مطابق آج قندھار میں دہشت گرد حملہ ہوا، جس میں گیارہ افراد ہلاک، جب کہ درجنوں زخمی ہوگئے.
حملے کا نشانہ بننے والے ضلع خاکریز میں ایک گاڑی میں سفر کر رہے، انھیں سڑک کنارے نصب بم سے نشانہ بنایا گیا. واقعے کی اطلاع ملتے ہی سیکیورٹی فورسز نے علاقے کو گھیرے میں لے لیا۔
- Advertisement -
افغان حکام کے مطابق ہلاک ہونے والے تمام افراد کا تعلق ایک ہی خاندان سے تھا۔ مرنے والوں میں عورتیں اور بچے بھی شامل ہیں۔
قندھار کی انتظامیہ کی جانب سے اس حملے کا الزام طالبان پر عائد کیا ہے، البتہ فی الحال کسی تنظیم نے حملے کی ذمے داری قبول نہیں کی.
مزید پڑھیں: افغانستان: شادی کی تقریب میں خودکش دھماکا، خواتین اور بچوں سمیت 14 افراد ہلاک
