The news is by your side.

Advertisement

کابل: کار بم دھماکا، 29 ہلاک 40 زخمی

کابل : خودکش دھماکے میں 36 افراد ہلاک اور 40  سے زائد زخمی ہوگئے ہیں اس حملے میں انٹیلی جنس اہلکاروں کی بس کونشانہ بنانے کی کوشش کی گئی۔

تفصیلات کے مطابق افغانستان کے دارالحکومت کابل میں علی الصبح انٹیلی جنس اہلکاروں کو لے جانے والی بس کے قریب زور دار دھماکا ہوا جس کے نتیجے میں 36 افراد جاں بحق اور 40 سے زائد زخمی ہو گئے ہیں جنہیں فوری طبی امداد کے لیے قریبی اسپتال منتقل کردیا گیا ہے۔

افغان حکام کے مطابق زور دار دھماکا خود کش کار دھماکا تھا جو کہ حکومت کے ڈپٹی چیف محمد محقق کے گھرکے قریب ہوا یہ دھماکا اتنا شدید تھا کہ متعددعمارتوں کے شیشے ٹوٹ گئے اور گاڑیوں کے پرخچے اڑگئے جب کہ ہرطرف تباہی کے منظر تھے۔

دھماکے میں ہلاک اورزخمی ہونے والوں کو اسپتال منتقل کیا گیا جہاں زخمیوں کو طبی امداد دی جا رہی ہے جن میں چند زخمیوں کی حالت تشویشناک ہے جس کے باعث ہلاکتوں میں اضافے کا خدشہ ظاہرکیا جارہا ہے۔

افغان حکام کا کہنا ہے کہ دشمن ہمارے سیکیورٹی فورسز کا میدان میں مقابلہ نہیں کرسکتے اسی لیے بزدلانہ کارروائیاں کر کے شہریوں کو نشانہ بنارہے ہیں۔

خیال رہے کہ رواں کے پہلے 6 مہینوں میں مختلف دھماکوں میں اب تک 1600 شہری لقمہ اجل بن چکے ہیں جو کہ افغانستان کی 16 سالہ تاریخ میں سب سے زیادہ ہیں حالانکہ اس وقت افغانستان میں اقوام متحدہ کے 8400 فوجی دستے بھی موجود ہیں۔

Print Friendly, PDF & Email

Comments

comments

یہ بھی پڑھیں