ننگرہار: افغانستان کے علاقے اسپن غر میں مسجد میں بم دھماکے میں 3 افراد جاں بحق ہو گئے۔
تفصیلات کے مطابق افغان صوبے ننگر ہار کے ضلع اسپن غر میں مسجد میں دھماکا ہوا ہے، دھماکا نماز جمعہ کے دوران ہوا، جس میں تین افراد جاں بحق جب کہ 15 زخمی ہو گئے۔
طالبان حکام اور مقامی شہریوں کی جانب سے اے ایف پی نیوز ایجنسی کو بتایا گیا کہ سپن غر ایریا میں نماز جمعہ کے دوران دھماکے میں متعدد افراد زخمی ہوئے ہیں۔
مقامی شہریوں نے میڈیا کو بتایا کہ دھماکا مقامی وقت کے مطابق ڈیڑھ بجے ہوا، جب مسجد کے اندر رکھا گیا بارودی مواد پھٹا۔ میڈیا کے مطابق زخمیوں میں مسجد کے امام بھی شامل ہیں۔
کابل اسپتال میں دھماکے، طالبان کی بدری فورس 313 کے سربراہ سمیت 25 جاں بحق
اے ایف پی کے مطاق اگست میں طالبان کے افغانستان پر کنٹرول کے بعد صوبہ ننگرہار شدت پسند تنظیم داعش کا گڑھ ہے۔
یاد رہے کہ دو نومبر کو کابل کے ملٹری اسپتال میں صبح کے وقت ایک خود کش حملہ ہوا تھا، جس میں طالبان رہنما حمد اللہ سمیت 25 افراد جاں بحق ہو گئے تھے۔
