تازہ ترین

چین پاکستان معاہدوں کے حوالے سے آئی ایم ایف کا اہم بیان

عالمی مالیاتی ادارے کا کہنا ہے کہ چین پاکستان...

جون تک پی آئی اے کی نجکاری کا عمل مکمل کرلیا جائے گا، وفاقی وزیر خزانہ

کراچی : وزیرخزانہ محمداورنگزیب کا کہنا ہے کہ پی...

حکومت کا ججز کے خط پر انکوائری کمیشن بنانے کا اعلان

اسلام آباد: وفاقی حکومت نے اسلام آباد ہائی کورٹ...

کوئٹہ میں دھماکہ‘ زخمیوں کی تعداد6ہوگئی

کوئٹہ: بلوچستان کے صوبائی داراحکومت کوئٹہ میں سیکیورٹی اہلکاروں کی گاڑی کو دھماکے کا نشانہ بنایا گیا ہے‘ جس کے نتیجے میں چھ افراد زخمی ہوگئے ہیں۔

تفصیلات کے مطابق کوئٹہ کا نواحی علاقہ مشرقی بائی پاس ایک زوردار دھماکے سے گونج اٹھا‘ سیکیورٹی فورسز نے تصدیق کی ہے کہ دھماکہ ان کی گاڑی کے نزدیک ہوا جس کے سبب6افرادزخمی ہوئے ہیں۔

سیکیورٹی فورسز کے مطابق زخمی ہونے والے افراد 6 سیکیورٹی اہلکار ہیں جنہیں طبی امداد فراہم کرنے کے لیے سی ایم ایچ کوئٹہ منتقل کردیا گیا ہے‘ ذرائع کا کہنا ہے کہ یہ واقعہ ایف سی فائرنگ رینج کے نزدیک پیش آیا۔

بم ڈسپوزل اسکواڈ کےمطابق کوئٹہ کے نواحی علاقے نادرن بائی پاس پر سیکیورٹی فورسز پر حملے میں 8کلو وزنی ٹائم بم استعمال کیا گیا۔

پولیس اور ریسکیو ٹیم جائے وقوعہ پر پہنچ چکی ہیں‘ دھماکے کی جگہ کوگھیرے میں لے لیا گیا ہےاور علاقے میں سرچ آپریشن کیا جارہاہےِ ذرائع کا کہنا ہے کہ جائے وقوعہ سے متعدد افراد کو حراست میں لیا گیا ہے۔

مزید پڑھیں:باجوڑ ایجنسی میں بارودی سرنگ کادھماکہ،لیویز اہلکارشہید

یاد رہے کہ اس سے قبل گزشتہ روز نئے سال کے پہلےدن باجوڑ ایجنسی میں بارودی سرنگ کےدھماکےمیں لیویز کا1اہلکار شہید ہوگیا تھا۔

واضح رہے کہ سال 2017 میں بلوچستان میں یہ سیکیورٹی فورسز پراپنی نوعیت کا پہلا حملہ ہے ۔ اس سے قبل بھی سیکیورٹی فورسز کواسی انداز میں نقصان پہنچانے کی کوشش کی جاتی رہی ہے۔

Comments

- Advertisement -