The news is by your side.

Advertisement

ژوب: چھاؤنی گیٹ پر خودکش حملہ،4اہلکار زخمی

ژوب: حساس علاقے چھاؤنی گیٹ پر زور دار دھماکہ چار سیکورٹی اہلکار زخمی ہو گئے۔

تفصیلات کے مطابق ژوب کے فوجی چھاونی کے گیٹ زوردار دھماکہ ہوا دھماکے کی آواز دور دور تک سنی گئی دھماکے کی آواز سنتے ہی سیکورٹی فورسز کی بھاری نفری نے موقع پہنچ کر علاقے کو گھیرے میں لے لیا۔

ابتدائی اطلاعات کے مطابق نماز جمعہ کے دوران ایک گاڑی ژوب چھاونی کی جانب آر ہی تھی جسے سیکورٹی فورسز نے چھاونی گیٹ پر روکنے کا اشارہ کیا اس دوران ایک زوردار دھماکہ ہوا۔

ابتدائی اطلاعات کے مطابق دھماکے کی نتیجے میں چار سیکورٹی زخمی ہو گئے جنہیں فوری طور پر سی ایم ایچ منتقل کر دئیے گئے۔

دھماکے کے مقام کے قریب ہی حساس ادارے کی دفتر بھی واقع ہے دھماکے کے باعث بجلی کی لائنیں نیچے گر گئی جبکہ قریبی عمارتوں کے شیشے ٹوٹ گئے تاہم ابھی تک سرکاری سطح پر دھماکے کے حوالے سے کوئی معلومات جاری نہیں کی گئی۔

Comments

comments

یہ بھی پڑھیں