The news is by your side.

Advertisement

سکھر، چینی انجینیئرز کی گاڑی کے قریب دھماکہ، چار افراد زخمی

سکھر : نیشنل ہائی وہ پر چینی انجینیئرز کی گاڑی کے قریب زور دار دھماکہ ہوا ہے دھماکے میں چار افراد کے زخمی ہونے کی اطلاعات ہیں۔

تفصیلات کے مطابق نیشنل ہائی وے سکھر پر پیٹرول پمپ کے قریب چینی انجینیئرز کی گاڑی کے قریب زور دار دھماکہ ہوا ہے چینی انجینیئرز نیشنل ہائی وے پرروہڑی ملتان موٹر وے پر کام کر رہے ہیں۔

اے آر وائی کے رپورٹر لالہ اسد پٹھان کا کہنا ہے کہ دھماکہ شدید نوعیت کا تھا جس میں معتدد افراد کے زخمی ہونے کی اطلاع ہے۔

واقعہ کی اطلاع ملتے ہی قانون نافذ کرنے والے ادارے پولیس اور رینجرز موقع پر پہنچ گئے ہیں اور علاقے کو گھیرے میں لے کر دہشت گرد کی تلاش کے لیے سرچ آپریشن کا آغاز کردیا گیا ہے جب کہ دھماکہ کی نوعیت کا اندازہ لگایا جا رہا ہے۔

لالہ اسد پٹھان کے مطابق ریسکیو ادارے اور ایمبولینسس جائے وقوعہ پر پہنچ کر امدادی کاموں کا آغاز کردیا گیا ہے اور چار زخمیوں کو اسپتال منتقل کردیا گیا ہے۔

ڈی ایس پی سکھر پولیس کا کہنا ہے بم سائیکل کے پچھلے حصے میں نصب کیا گیا تھا جیسے ہی چینی انجینیئرز کی گاڑی پیٹرول پمپ کے قریب سے گذری دہشت گردوں نے ریموٹ کنٹرول ڈیوائس کے ذریعے بم کو اڑایا گیا۔

Print Friendly, PDF & Email

Comments

comments

یہ بھی پڑھیں