کراچی: میٹرک جنرل گروپ کے امتحان میں نقل کے الزام پر اسکول ٹیچر نے نابینا طالبہ کی کاپی ضبط کرکے اُسے پرچہ دینے سے روک دیا۔
تفصیلات کے مطابق میٹرک جنرل گروپ کے امتحان میں گورنمنٹ کمپری ہنسیو اسکول نارتھ ناظم آباد میں اسکول ٹیچر نے نابینا طلبہ پر نقل کا الزام لگا کر کاپی چھینی اور اُسے ثانوی تعلیمی بورڈ کے حوالے کردیا۔ امیدوار کی جانب سے اسکول ٹیچر کو صفائی پیش کرنے کے باوجود اسکول انتظامیہ نے کاپی ضبط کی اور طلبہ کو پرچہ دینے سے روک دیا۔
چیئرمین میٹرک بورڈ تک معاملہ پہنچا تو انہوں نے نابینا طلبہ کو انصاف فراہم کروانے کی یقین دہانی کرواتے ہوئے کہا کہ امتحان لینے والے متعلقہ عملے سے باز پرس کی جائے گی۔
- Advertisement -
انہوں نے کہا کہ اسکول ٹیچر نے مؤقف اختیار کیا کہ طلبہ نقل کرتی ہوئی پکڑی گئی مگر حیران کن بات یہ ہے کہ نابینا طلبہ کیسے نقل کرسکتی ہے ۔
