کوئٹہ: بلوچستان میں مون سون کی طوفانی بارشوں کے باعث 31 افراد لقمہ اجل بن گئے، جاں بحق افراد میں 4خواتین اور 5 بچے بھی شامل ہیں۔
اے آر وائی نیوز کی رپورٹ کے مطابق پی ڈی ایم اے نے بلوچستان میں مون سون بارشوں سے ہونے والے نقصانات کی رپورٹ جاری کردی۔
بلوچستان میں 28 جون سے شروع ہونے والی طوفانی بارشوں سے اب تک خواتین اور بچوں سمیت 31 افراد جاں بحق ہوئے۔
رپورٹ کے مطابق اموات کے واقعات ژوب،زیارت،موسیٰ خیل، خضدار، لورالائی، لسبیلہ اورکوہلو میں رپورٹ ہوئے، جاں بحق ہونے والوں میں 4خواتین اور5بچے شامل ہیں۔
پی ڈی ایم اے کی رپورٹ میں مزید کہا گیا ہے کہ بارشوں کے باعث مختلف حادثات میں 8 افراد زخمی ہوئے، صوبے کے متاثرہ اضلاع میں امدادی سرگرمیاں جاری ہیں۔
اے آر وائی نیوز کی ڈیجیٹل ڈیسک کی جانب سے شائع کی گئی خبریں