خون میں پانی کی ملاوٹ کرنے والے بلڈ بینک کے چار کارندے گرفتار -
The news is by your side.

Advertisement

خون میں پانی کی ملاوٹ کرنے والے بلڈ بینک کے چار کارندے گرفتار

ملتان : ہوس کے پجاریوں نے دولت کی خاطر انسانی زندگیوں سے کھیلنا شروع کردیا، پولیس نے پانی ملا خون فراہم کرنے والے نجی بلڈ بینک کے خلاف کارروائی کرکے خاتون سمیت چار ملزمان کو گرفتارکرلیا۔

دودھ اور دیگر اشیا میں ملاوٹ تو سنی تھی لیکن خون میں پانی کی ملاوٹ بھی ہونے لگی۔ ملتان کے ایک نجی بلڈ بینک میں پانی ملاخون دینےکا انکشاف ہوا ہے، نجی بلڈبینک میں بچے کو پانی ملاخون لگایا گیا تھا، بچے کی طبیعت بگڑنے پر نشتر اسپتال کے ڈاکٹروں نے نجی بلڈبینک کےخلاف کارروائی کرتے ہوئے ایک خاتون سمیت 4 ملزمان کو پولیس کےحوالےکردیا۔

اے آر وائی نیوز کی خبر پر حکومت پنجاب نے نوٹس لے لیا۔ وزیراعلیٰ پنجاب نے متعلقہ حکام اور صوبائی وزارت انسانی حقوق سے رپورٹ طلب کرلی۔

وزیر برائے انسانی حقوق طاہر خلیل سندھو نے آر پی او ملتان کو خون کا نمونہ لاہور بھجوانے کی ہدایت کردی۔ ان کا کہنا تھا کہ ملزمان کے مکمل نیٹ ورک کو آئندہ چوبیس گھنٹے میں گرفتار کرلیا جائے گا۔

 

Comments

comments

یہ بھی پڑھیں