The news is by your side.

Advertisement

بھارتی حکمراں نظریاتی جنونی ہیں، بلوم برگ کے بھارت سے متعلق چشم کشا انکشافات

واشنگٹن : امریکی جریدے بلوم برگ نے بھارت کی اصل صورتحال بےنقاب کردی، بلوم برگ کا رپورٹ میں کہنا ہے کہ بھارت پرنظریاتی جنونیوں کی حکومت ہے، تنقید کرنے پر ٹارگٹ کلنگ کی جاتی ہے۔

تفصیلات کے مطابق امریکی جریدے بلوم برگ نے مودی سرکارکے جھوٹے دعوؤں کا بھانڈاپھوڑدیا، بلوم برگ کا کہنا ہے کہ بھارت کی سیاست اور سول سوسائٹی پرہندوبالادستی کی تحریک نے قبضہ کرلیا ہے، بھارت پرنظریاتی جنونی حکومت کررہے ہیں۔

بلوم برگ کا کہنا تھا کہ مقبوضہ کشمیرمیں چارماہ سے لاک ڈاؤن کرکے مسلمان اقلیت کواجتماعی سزادی جارہی ہے اور بھارت میں میڈیا،عدلیہ اورفوج جبرکا شکارہیں۔

امریکی جریدے کی رپورٹ کے مطابق مسلمان مخالف پروگرامزہوتے ہیں،حکومت پرتنقید کرنے والوں کی ٹارگٹ کلنگ کی جاتی ہے، اوباما نےمودی کوبھارت کاریفارمرانچیف کہاپرصورتحال اس کےبرعکس ہے، مودی کی ہندوانتہا پسند اور متعصبانہ پالیسیوں کے باعث بھارتی معیشت طویل مدت کے خسارےکی جانب گامزن ہے۔

یاد رہے گزشتہ روزمنظورکئے گئے متنازع بل میں مسلمانوں کے علاوہ تمام تارکین وطن کوشہریت دینے کی منظوری دی گئی، شہریت کے متنازع ترمیمی بل کی لوک سبھا میں منظوری کیخلاف بھارت کی جنوب مشرقی ریاستوں میں احتجاج کیا جارہا ہے۔

آسام میں دوروزہ ہڑتال جاری ہے، تعلیمی ادارے اورکاروباری مراکز بند ہیں اورٹرانسپورٹ بھی معطل ہے جبکہ مختلف شہروں میں احتجاجی ریلیاں نکالی جارہی ہیں اور مظاہرین نے سڑکوں پرٹائرجلاکراحتجاج کیا۔

Comments

comments

یہ بھی پڑھیں