پاکستان کے خلاف دوسرے ٹیسٹ میچ سے قبل سری لنگا کو دھچکا لگ گیا اہم کھلاڑی انجری کا شکار ہوکر باہر ہوگئے۔
انٹرنیشنل کرکٹ کونسل (آئی سی سی) کے مطابق سری لنکا کے شہر گال میں دوسرے ٹیسٹ میچ سے پہلے سری لنکا کے اسپنر مہیش تھیکشنا دائیں ہاتھ کی انگلی میں چوٹ لگنے کی وجہ سے ٹیم سے باہر ہوگئے۔
مہیش تھیکشنا نے پہلے ٹیسٹ میچ میں پاکستان کے خلاف دو وکٹیں حاصل کی تھیں۔
انہوں نے اب تک سری لنکا کے لیے دو ٹیسٹ میچز کھیلے ہیں اور 5 وکٹیں حاصل کی ہیں جبکہ ان کی جگہ 22 سالہ آف بریک بولر لکشیتھا ماناسنگھے کو ٹیم میں شامل کیا جائے گا۔
ماناسنگھے نے ابھی تک سری لنکا کیلئے ڈیبیو نہیں کیا ہے لیکن فرسٹ کلاس کرکٹ میں ان کا شاندار ریکارڈ ہے۔
انہوں نے فرسٹ کلاس کرکٹ میں 17 میچوں میں 73 وکٹیں حاصل کی ہیں اور 582 رنز بھی بنائے ہیں۔
واضح رہے کہ قومی ٹیم کے فاسٹ بولر شاہین شاہ آفریدی بھی انجرڈ ہوکر سری لنکا کے خلاف دوسرے ٹیسٹ سے باہر ہوگئے ہیں۔
پاکستان اور سری لنکا کے خلاف درمیان دوسرا اور آخری ٹیسٹ میچ 24 جولائی سے گال میں کھیلا جائے گا، قومی ٹیم کو سیریز میں 1-0 کی برتری حاصل ہے۔