کراچی: شہرقائد سے ملحقہ ساحلی علاقےمبارک ولیج کے پانیوں میں نیلی وہیل دیکھی گئی ہے، نایاب نسل کی اس وہیل کو شدید خطرات لاحق ہیں۔
تفصیلات کے مطابق مبارک ویلیج کے رہائشی مچھیروں نے فشنگ کے دوران گہرے پانیوں میں نیلی وہیل دیکھی اوراس کے ساتھ چھیڑچھاڑ بھی کی، تاہم مچھیروں نے اسے نقصان نہیں پینچایا۔
واضح رہے کہ آخری مرتبہ بحیرہ عرب میں نیلی وہیل کراچی کے ساحلوں میں سال 2014 میں دکھائی دی تھی۔
بیسوی صدی تک نیلی وہیل دنیا کے تمام بڑے سمندروں میں پائی جاتی تھی تاہم بے دریغ شکار کے سبب اس کی تعداد میں خطرناک حد تک کمی واقع ہوئی ہے۔
کراچی : مبارک ویلج کے قریب سمندر میں نایاب بلیووہیل منظرعام پرکراچی : مبارک ویلج کے قریب سمندر میں نایاب بلیووہیل منظرعام پر
Posted by ARY News on Tuesday, March 15, 2016
ماہرین کے مطابق دنیا بھر میں اس وقت صرف دس ہزار کے قریب نیلی وہیل موجود ہیں اوران کی نسل کو شدید خطرات لاحق ہیں۔
نیلی حوت یا نیلی وہیل دنیا کا سب سے بڑا جانور ہے۔ یہ ایک دودھ پلانے والا آبی جانورہے جس کا وزن 190 ٹن اور لمبائی 33 میٹر تک ہو سکتی ہے۔
کرہ ارض پر موجودہ جانداروں میں یہ سب سے بڑی جسامت کا حامل اور اب تک کے تمام جانداروں میں سب سے زیادہ وزن رکھنے والا جانور تصور کیا جاتا ہے۔
نیلی وھیل گہرے سمندروں میں رہتی ہے اوراس کا رنگ سرمئی مائل نیلا ہوتا ہے۔