The news is by your side.

Advertisement

کراچی کے قریب چرنا آئی لینڈ پر پہلی بار بلیووہیل دیکھی گئی

کراچی : کراچی کے قریب چرنا آئی لینڈ پر نایاب بلیو وہیل اور کالف کی آمد نے سب کو حیران کردیا۔

تفصیلات کے مطابق ڈبلیو ڈبلیو ایف کا کہنا ہے کہ نایاب دیوہیکل بلیو وہیل کو پاکستان کے پانیوں میں دیکھا گیا ہے، تقریباً سترہ میٹرلمبی بلیو وہیل کو اپنے بچوں کیساتھ کراچی کے قریب چرنا آئی لینڈ پر سمندر میں موجود ماہی گیروں نے دیکھا۔

ڈبلیو ڈبلیو ایف کا کہنا ہے کہ کسی زندہ بلیو وہیل کو پہلی بار پاکستان کی سمندری حدود میں دیکھا گیا ہے۔

اس سے قبل متعدد بار بلیو وہیل پاکستان کے ساحل پر مردہ حالت میں پائی گئی ہے جبکہ آخری بار 2014 میں سندھ کے علاقے کھڈی کریک سے بلیو وہیل کا ڈھانچہ ملا تھا۔


مزید پڑھیں:  بلوچستان کے ساحلوں پر نایاب وہیل مچھلیوں کی آمد


بلیو وہیل دنیا میں پائے جانے والے بڑے جانوروں میں سے سب سے بڑا ہے، بلیو وہیل شرمپ کی طرح کی ایک چھوٹی مخلوق جسے کرِل کہتے ہیں، کو اپنی خوراک بناتی ہے۔

اس سے قبل نایاب نسل کی اسپرم وہیل کو کراچی سے 22 کلومیٹر دور دیکھی گئی تھیں بعد ازاں بلوچستان کے ساحلوں سنارا بیچ اور جیوانی میں بھی دیکھی گئیں۔

کراچی سے لے کر بلوچستان تک جن ماہی گیروں نے اسے دیکھا اور ان وہیلوں کی تصاویر اور ویڈیوز بھی بنائیں۔


اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔

Print Friendly, PDF & Email

Comments

comments

یہ بھی پڑھیں