کراچی: راوں سال سندھ میں میٹرک اور انٹرمیڈیٹ کے امتحانات ہوں گے یا نہیں، بورڈ سربراہان فیصلہ نہ کر سکے۔
تفصیلات کے مطابق سندھ کے تعلیمی بورڈز کے سربراہان کا اجلاس بغیر کسی نتیجے کے ختم ہو گیا،بورڈ کے سربراہان نے وزیر تعلیم سے محکمہ تعلیم کی اسٹیرنگ کمیٹی کا اجلاس جلد بلانے کا مطالبہ کیا ہے۔
اجلاس میں بورڈ سربراہان نے تجویز دی کہ کورونا وائرس کی صورتحال مزید بگڑنے پر 15 جون سے نویں اور دسویں کے امتحانات کرانا ممکن نہیں ہے اگر کورونا وائرس کی صورتحال مزید خراب نہیں ہوتی تو ہی امتحان ممکن ہے۔
پروفیسر ڈاکٹر سعید الدین کی زیر صدارت ہونے والے اجلاس میں میٹرک اور انٹرمیڈیٹ کے امتحانات متبادل طریقے سے لینے پر بھی غور کیا گیا اور فیصلہ کیا گیا کہ بورڈ سربراہان متبادل امتحانی طریقے کار بنائیں گے۔
یہ بھی طے ہوا کہ 15 مئی کو سندھ کے تعلیمی بورڈ کے سربراہان کا اجلاس دوبارہ ہو گا۔
واضح رہے کہ غیر یقینی کی صورتحال کے باعث سندھ کے میٹرک اور انٹرمیڈیٹ کے 10 لاکھ سے زائد طلبہ پریشان ہیں۔
