The news is by your side.

نویں جماعت کے انرولمنٹ کارڈ جاری کرنے کا اعلان

کراچی : ثانوی تعلیمی بورڈ کراچی نے جماعت نہم کے سالانہ امتحانات سال2022 کے سائنس وجنرل گروپ ریگولرکے انرولمنٹ کارڈ جاری اعلان کردیا ہے۔

بورڈ حکام کی جانب سے اسکولوں کے سربراہان کو ہدایات جاری کی گئی ہیں کہ اپنے اتھارٹی لیٹر کے ساتھ مقررہ شیڈول کے مطابق انرولمنٹ کارڈ حاصل کرسکتے ہیں

اس حوالے سے چیئرمین ثانوی تعلیمی بورڈ سید شرف علی شاہ نے تمام بورڈ سے الحاق شدہ تعلیمی اداروں کے سربراہان سے کہا ہے کہ وہ خود یا اپنے بااختیار نمائندے کو اتھارٹی لیٹر کے ساتھ مقررہ تاریخوں میں بھیج کر بورڈ آفس کی پہلی منزل بلاک بی کانفرنس ہال سے صبح 10:00 بجے سے سہ پہر2:00بجے تک جبکہ جمعہ کے روز صبح 10:00بجے سے 12:00 تک انرولمنٹ کارڈ حاصل کرسکتے ہیں۔

شیڈول کے مطابق پیر26ستمبر کو نیوکراچی، نارتھ ناظم آباد، گلبرگ، لیاقت آباد۔ منگل27ستمبر کو جمشید ٹاؤن، گلشن اقبال، شاہ فیصل، ملیر۔ بدھ 28ستمبر کو لانڈھی، کورنگی، بن قاسم، صدر، لیاری اور جمعرات29ستمبر کو کیماڑی، بلدیہ ٹاؤن، سائٹ، اورنگی ٹاؤن،گڈاپ انرولمنٹ کارڈ حاصل کرسکیں گے۔

Comments

یہ بھی پڑھیں