بورڈ آف سیکنڈری ایجوکیشن کی تاریخ میں پہلی بار پی ایچ ڈی افسر کو سیکریٹری تعینات کردیا گیا، نوید احمد گجر کو گریڈ 19 پرترقی پانے کے بعد عہدہ تفویض کیا گیا۔
تفصیلات کے مطابق بورڈ آف سیکنڈری ایجوکیشن میں ایسا پہلی بار ہوا ہے کہ کسی پی ایچ ڈی افسر کی بطور سیکریٹری تعینات عمل میں آئی ہے۔ پی ایچ ڈی افسر ڈاکٹر نوید احمد گجر سیکریٹری بورڈ آف سیکنڈری ایجوکیشن کراچی کی حیثیت سے ذمہ داریاں انجام دیں گے۔
سابق قائم مقام سیکریٹری سید محمد علی شائق نے بھی انسپکٹرآف انسٹیٹیوشن کا چارج سنبھال لیا ہے۔ نوید احمد گجر بورڈ آف سیکنڈری ایجوکیشن کراچی کے پہلے پی ایچ ڈی افسر ہیں۔
نوید احمد کو گریڈ 19 پر ترقی پانے کے بعد بورڈ میں سیکریٹری تعینات کیا گیا ہے۔ ڈاکٹرنوید اس سے پہلے ایڈیشنل چارج پر سیکریٹری رہے ہیں۔
گریڈ 18 کے محمدعلی شائق 7 مارچ 2016 سے 5 ستمبر 2023 تک قائم مقام سیکریٹری رہے۔ محمدعلی شائق کو اصل عہدے انسپکٹرآف انسٹیٹیوشن پر تعینات کردیا گیا ہے۔
