The news is by your side.

Advertisement

دریائے سندھ میں مورو کے قریب کشتی الٹ گئی، 4 افراد جاں بحق

لاڑکانہ : دریائے سندھ میں مورو کے قریب کشتی الٹ گئی بیس افراد ڈوب گئے، چار افراد جاں بحق جبکہ سولہ کو بچا لیا گیا ، جن میں ایک کی حالت تشویشناک ہے۔

تفصیلات کے مطابق دریائے سندھ میں مورو میں کیٹی بگیاں کے مقام کے قریب گاؤں عرض محمد لغاری کے پاس کشتی الٹنے سے بیس افراد کے ڈوبنے کا المناک حادثہ پیش آیا، جن میں سے چار افراد جاں بحق ہوگئے, جن کی لاشیں نکال لی گئیں, جبکہ سولہ افرآد کو رسیکیو کے بعد نکال لیا گیا۔

ریسکیو کئے گئے افراد کو کچیرو سمیت مختلف اسپتال میں داخل کیا گیا ہے۔

پولیس کےمطابق واقع نا تجربہ کار کشتی چلانے والے ماہی گیر کی وجہ سے پیش آیا، اطلاع ملتے ہی ڈسٹرکٹ ہیلتھ آفیسر مظہر کلہوڑو نے بتایا کہ ضلع بھر کے اسپتالوں میں ایمرجنسی نافذ کردی گئی ہے۔


مزید پڑھیں : دریائے سندھ میں‌ کشتی الٹ گئی، 40 افراد سوار، 22 کو بچالیا گیا


یاد رہے رواں سال فروری میں دریائے سندھ میں خواتین اور بچوں سمیت 40 افراد سے بھری کشتی الٹ گئی تھی ، جس کے بعد فوری امداد دیتے ہوئے بائیس افراد کو بچالیا گیا تھا۔

Print Friendly, PDF & Email

Comments

comments

یہ بھی پڑھیں