اسلام آباد: اٹلی کے ساحل کے قریب غیر قانونی تارکین وطن کی کشتی تباہ ہونے کے واقعے سے متعلق ترجمان دفتر خارجہ نے ایک بیان میں کہا ہے کہ پاکستانی سفارت خانہ اطالوی حکام سے رابطے میں ہیں۔
تفصیلات کے مطابق دفتر خارجہ نے ترجمان نے کہا ہے کہ اٹلی کے ساحل کے قریب کشتی حادثے میں پاکستانیوں کی موجودگی پر نظر ہے، روم میں پاکستانی سفارت خانہ اطالوی حکام سے حقائق جاننے کے لیے رابطے میں ہیں۔
اٹلی میں پاکستانی سفارت خانے کے مطابق اطالوی ساحل کے قریب کشتی پر سوار تارکین میں پاکستانی بھی تھے، کشتی ڈوبنے سے 28 پاکستانیوں کی لاشیں نکال لی گئی ہیں، مبینہ طور پر کشتی پر 40 پاکستانی سوار تھے۔
واضح رہے کہ اطالوی ساحل کے قریب کشتی تباہ ہونے سے سو سے زائد افراد ہلاک ہو گئے ہیں، سمندر سے 140 افرد کی لاشیں نکال لی گئی ہیں، یہ واقعہ اطالوی ساحلی شہر کروٹون کے جنوبی علاقے کیلابریا میں پیش آیا۔
اٹلی: کشتی ڈوبنے کے واقعے میں 140 لاشیں نکال لی گئیں، 28 پاکستانیوں کی شناخت
الجزیرہ کے مطابق یہ کشتی کئی روز قبل ترکی سے افغانستان، ایران، صومالیہ اور پاکستان کے تارکین وطن کے ساتھ روانہ ہوئی تھی اور اتوار کو طوفانی موسم میں کیلابریا کے مشرقی ساحل پر واقع ایک ساحلی تفریحی مقام کے قریب ٹوٹ کر تباہ ہو گئی۔
