The news is by your side.

Advertisement

امریکی گلوکارکانوبل انعام وصول کرنےمیں اظہارعدم دلچسپی

اسٹاک ہوم :نوبل انعام دینے والی کمیٹی کے رکن واسٹبرگ کا کہناہے کہ نامور گلوکار باب ڈلن کی جانب سےادب کا نوبل انعام نظر انداز کرناحیران کن ہے۔

تفصیلات کےمطابق سوئڈیش اکیڈمی کا کہنا ہے کہ امریکی گلوکار سے متعدد بار کوششیں کی گئیں تاہم گلوکار نے نوبل ایوارڈ کو عوامی سطح پر قبول نہیں کیا۔

bob-4

سوئڈیش اکیڈمی کے رکن واسٹبرگ کا کہناہے امریکی گلوکار کی جانب سے اس طرح نوبل ایوارڈ کو نظر انداز کرنا حیران کن ہے انہوں نے کہا کہ ہم جانتے ہیں کہ وہ ایک پیچیدہ شخصیت کےمالک ہیں جنہیں اسٹیج پر اپنے علاوہ کسی کی موجودگی پسند نہیں ہوتی۔

bob-1

انہوں نے مزید کہا کہ اب تک یہ بات واضح نہیں کہ باب ڈلن رواں سال دسمبر میں اسٹاک ہوم اپنا ایوارڈ وصول کرنے جائیں گے اگر وہ نہ بھی آئے توان سےمتعلق تقریب ویسے ہی منعقد کی جائے گی۔

bob-2

مزید پڑھیں:ادب کا نوبل انعام امریکی گلوکار باب ڈیلن کے نام

یاد رہے کہ گزشتہ ہفتے نامور امریکی گلوکارباب ڈلن کے لیے نوبل انعام کا اعلان کیا گیا تھا جس کے بعد 24گھنٹوں کے دوران باب ڈلن کی ویب سائٹ سے نوبل ایوارڈ کا حوالہ ہٹادیاتھا۔

bob-3

واضح رہے کہ اس سے قبل 1964میں فرانس کے نامور مصنف اور فلسفی ژان پال سارتر نے بھی ادب کا نوبل انعام لینے سے انکار کردیا تھا۔

Comments

comments

یہ بھی پڑھیں