آپ اپنے پرانے جوتوں کا کیا کرتے ہیں؟ جوتوں کے استعمال کی ایک عمر ہوتی ہے اور اس عمر کے بعد وہ خراب اور خستہ حال ہونے لگتے ہیں جس کے بعد انہیں پھینک دیا جاتا ہے۔
لیکن کیا آپ جانتے ہیں پھینکے جانے والے کپڑے اور جوتے ہمارے شہروں کے کچرے میں اضافے کا سبب بنتے ہیں۔ اگر دنیا کے ہر شخص کے استعمال شدہ اور پھینکے ہوئے جوتوں کو جمع کیا جائے تو یہ کچرے کا ایک بہت بڑا پہاڑ بن جائے گا۔
مزید پڑھیں: پلاسٹک کی بوتلوں سے بنائے گئے جوتے
مختلف اشیا کو ماحول دوست طریقے سے تلف کرنے کے اسی مسئلے کو حل کرنے کے لیے ایک کمپنی نے ایسے جوتے تیار کیے ہیں جو استعمال کے بعد کھاد میں تبدیل ہوجائیں گے۔
دراصل ان جوتوں کو ایسی اشیا سے تیار کیا گیا ہے جو زمین میں جانے کے بعد آہستہ آہستہ مٹی کا حصہ بننا شروع ہوجاتی ہیں۔
ان جوتوں کے تلف ہوجانے کے بعد ان سے کھاد بھی بنائی جاسکتی ہے جس کے بعد یہ پھول اور پودے اگانا شروع کردیں گے۔
یہ جوتے نہ صرف ماحول دوست ہیں بلکہ دیکھنے اور پہننے میں بھی نہایت خوبصورت اور فیشن ایبل ہیں۔
خبر کے بارے میں اپنی رائے کا اظہار کمنٹس میں کریں۔ مذکورہ معلومات کو زیادہ سے زیادہ لوگوں تک پہچانے کے لیے سوشل میڈیا پر شیئر کریں۔
