The news is by your side.

Advertisement

گزشتہ3 روزمیں کراچی کے مختلف علاقوں سے 3 نومولود بچوں کی لاشیں برآمد

کراچی : قائد آباد کے قریب ٹرین کی پٹریوں سے نومولود بچے کی لاش برآمد ہوئی ، گزشتہ3 دن میں مختلف علاقوں سے نومولود کی لاشیں ملنے کی تعداد3 ہوگئی۔

تفصیلات کے مطابق کراچی میں نومولود بچے کی لاش ملنے ایک اور واقعہ پیش آیا، قائد آباد کے علاقے سے ریلوے پھاٹک کے قریب سے نومولود کی لاش ملی، بچے کی لاش ایدھی ہوم سہراب گوٹھ منتقل کردی گئی ہے۔

ریسکیو حکام کا کہنا ہے کہ نومولود بچوں کی لاشوں کی اطلاع اہل علاقہ کی جانب سے دی گئی۔

ریسکیو حکام نے بتایا کہ بلدیہ ٹاؤن سیکٹر 3 سے رواں ماہ کی 21 اور 22 تاریخ کو دو مختلف مقامات سے 2 نومولود بچوں کی لاشیں ملیں ، جنہیں ضابطے کی کارروائی کے بعد ایدھی سہراب گوٹھ سرد خانے منتقل کیا گیا تھا۔

حکام کے مطابق تینوں بچے وقوعہ پر ہی انتقال کر چکے تھے، گزشتہ3 دن میں مختلف علاقوں سے نومولود کی لاشیں ملنے کی تعداد 3ہوگئی ہے۔

Comments

یہ بھی پڑھیں