site
stats
پاکستان

ملک بھرکے تمام باڈی بلڈنگ کلبوں کی رجسٹریشن منسوخ

لاہور : پنجاب میں چارتن سازوں کی موت کے بعد پاکستان باڈی بلڈنگ فیڈریشن نے ملک بھرکے تمام باڈی بلڈنگ کلبوں کی رجسٹریشن منسوخ کردی۔

تفصیلات کے مطابق پنجاب میں سترہ روز میں چارتن سازوں کی موت کے بعد پاکستان باڈی بلڈنگ فیڈریشن نے حرکت میں آتے ہوئے ملک بھر کے تمام باڈی بلڈنگ کلبوں کی رجسٹریشن منسوخ کردی گئی۔

پاکستان باڈی بلڈنگ فیڈریشن نے اس معاملے میں مؤقف اختیار کیا ہے کہ باڈی بلڈنگ کلبوں میں تن سازوں کو ممنوعہ ادویات کا استعمال کرایا جاتاہے۔

تمام کلبوں کی رجسٹریشن منسوخ کرکے ہر صوبے میں پانچ رکنی کمیٹی تشکیل دے دی گئی ہے جن کے تحت رجسٹرین کی بحالی کی جائے گی۔

صوبائی سطح پر تشکیل دی جانے والی یہ کمیٹیاں رجسٹریشن کی بحالی کے لئے باڈی بلڈنگ کلبوں سے قانونی حلف نامہ لیں گی جس کے تحت باڈی بلڈنگ کلب تن سازوں کو ممنوعہ ادویات استعمال نہیں کروائیں گے۔

 یاد رہے کہ گوجرنوالہ، سیالکوٹ اورلاہورمیں سترہ روز میں چار تن سازانتقال کرگئے ہیں۔

 گذشتہ 17 دنوں میں مطلوب حیدر وہ چوتھے  تن ساز تھے جن کا انتقال پراسرار طور پر ہوا۔ اس سے قبل ہمایوں خرم  ساوتھ ایشین چمپیین ، تن ساز حامد علی اور رضوان کی بھی ہلاکت پراسرارطور پر ہوئی ہے۔

Print Friendly, PDF & Email
20

Comments

comments

اس ویب سائیٹ پر موجود تمام تحریری مواد کے جملہ حقوق@2018 اے آروائی نیوز کے نام محفوظ ہیں

To Top