site
stats
پاکستان

کراچی : کورنگی قبرستان سے 2 سالہ بچے کی لاش قبر سے پراسرار طور پر غائب

کراچی : کورنگی قبرستان سے دو سال کے بچے کی لاش قبر سے پراسرار طور پر غائب ہوگئی۔

تفصیلات کے مطابق کراچی کے علاقے کورنگی کے قبرستان سے دو سالہ بچے کی لاش قبر سے پراسرار طور پر غائب ہونے کی لرزہ خیز واردات ہوئی، پولیس کو اطلاع دینے پر جب قبرستان میں تلاشی کا عمل شروع ہوا تو بچے کا سر قبرستان کی جھاڑیوں سے برآمد ہوا، شور مچا تو پولیس نے گورکن سے تفتیش شروع کی۔

دوران تفتیش انکشاف ہوا کہ ہفتہ کی شام بچے کا انتقال ہوا تھا اور رات کو تدفین کی گئی تھی، رات گئے بچے کے گھر والے قبر پر گئے تو قبر کھدی ہوئی تھی اور لاش غائب تھی۔

پولیس کے مطابق بچہ کو گھر والوں نے رات 2 بجے خود دفن کیا تھا، قبرستان کے گورکن کو تدفین کی اطلاع نہیں دی گئی، بچے کی قبر کچی ہونے کے باعث جانوروں نے قبر کھود دی، بچے کی لاش کو جانوروں نے خراب کیا۔


مزید پڑھیں : کورنگی قبرستان سے مردے غائب ہونے کا انکشاف


تاہم گھر والوں نے اپنی غلطی تسلیم کر لی ہے، واقعہ گھر والوں کی غلطی کے باعث پیش آیا۔

پولیس کا کہنا ہے کہ واقعہ کا مقدمہ درج کر کے باقاعدہ تحقیقات کی جائیں گی۔


اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔

Print Friendly, PDF & Email
20

Comments

comments

اس ویب سائیٹ پر موجود تمام تحریری مواد کے جملہ حقوق@2018 اے آروائی نیوز کے نام محفوظ ہیں

To Top