The news is by your side.

Advertisement

سات روز قبل نالے میں گرنے والے بچے کی لاش برآمد

کراچی : کراچی کے علاقے گلبرگ میں گجر نالے میں ڈوبنے والے بچے کی لاش سات روز بعد رحمان آباد سے نکال لی گئی ہے۔

تفصیلات کے مطابق تین روز تک ہیوی مشینری اور کرین کے ذریعےگجر نالے میں گرنے والے بچے کی تلاش کا کام مایوسی کے بعد ختم کردیا گیا تھا تا ہم آج اپنی مدد آپ کے تحت سات دن بعد بچے ریحان کی لاش کو رحمان آباد کے علاقے میں موجود نالے سے نکال لیا گیا ہے۔

ریسکیو ذرائع کے مطابق سات سالہ بچے کی لاش کو اہلِ خانہ نے شناخت کرلیا ہے ، بچے کی لاش کو تدفین کے لیے اس کےگھر منتقل کیا جارہا ہے۔

اسی سے متعلق : گجر نالے میں ڈوبنے والے بچے کو تلاش کرنے سے ریسکیو ادارے کا انکار

غم سے نڈھال باپ نے میڈیا سے بات کرتے ہوئے حکومتِ وقت کی بےحسی کا رونا روتے ہوئے بتایا کہ تین روز قبل بچہ نالے کی صفائی کے دوران گر گیا تھا تا ہم حکومتی سطح پر بچے کی تلاشی کے لیے غیر سنجیدگی کے مظاہرے کے باعث بچہ جان ہاتھ دھو بیٹھا۔

Print Friendly, PDF & Email

Comments

comments

یہ بھی پڑھیں