The news is by your side.

Advertisement

بو ئنگ777 طیاروں کی اوور ہالنگ کا آغاز، سی اے اے نے پرواز کی منظوری دے دی

لاہور : پی آئی اے طیارے بوئنگ 777 کی اوورہالنگ کے کام کا آغاز لاہور میں کردیا گیا، طیارے کا چیک اے مکمل کرنے کے بعد سول ایوی ایشن اتھارٹی نے بھی پرواز کی منظوری دے دی ہے۔

تفصیلات کے مطابق پی آئی اے میں اصلاحاتی عمل جاری ہے، لاہور میں بو ئنگ777 طیاروں کی اوور ہالنگ کا آغاز کردیا گیا، ذرائع کے مطابق پہلے بوئنگ ٹرپل سیون (اے پی بی ایچ وی) پر چیک اے مکمل کر دیا گیا۔

بوئنگ777 جو مقررہ گھنٹوں کی پرواز کے بعد ضروری مینٹینینس کا عمل مکمل ہونے پر قابل پرواز ہوگیا۔ سول ایوی ایشن اتھارٹی نے بھی منظوری دے دی ہے۔

اس سے قبل یہ سہولت صرف کراچی میں دستیاب تھی،پی آئی اے کے سی ای او ارشد ملک کی انجینئر اور کارکنوں کو مبارکباد دی ہے۔

سی ای او ایئرمارشل ارشد ملک کا کہنا ہے کہ لاہور میں اس سہولت کے آغاز سے پی آئی اے کی تیکنیکی خود کفالت میں نمایاں اضافہ ہو گیا ہے۔

انہوں نے کہا کہ نہ صرف اضافی اخراجات کی بچت ہو گی بلکہ پروازوں کے شیڈول میں آسانی اور مسافروں کو بروقت روانگی کی سہولت بھی حاصل ہو گی۔

ایئرمارشل ارشد ملک نے کہا کہ لاہور میں انجینئرنگ کی سہولت کا قیام پی آئی اے کے بزنس پلان کا حصہ ہے اس سے اضافی آمدنی کے حصول اورنقصانات کو کم کرنے میں مدد ملے گی۔

Comments

comments

یہ بھی پڑھیں