کراچی : طیارے بنانے والی بوئنگ کمپنی کی ٹیم پاکستان پہنچ گئی، سی اے اے حکام ٹیم کو کراچی ایئرپورٹ، رن وے سے متعلق بریفنگ دیں گے۔
تفصیلات کے مطابق طیارے بنانے والی بوئنگ کمپنی کی ٹیم پاکستان پہنچ گئی، بوئنگ کمپنی حکام کل کراچی ایئرپورٹ کادورہ کریں گے۔.
ذرائع نے بتایا کہ سی اے اے حکام ٹیم کو کراچی ایئرپورٹ، رن وے سے متعلق بریفنگ دیں گے۔
کمپنی حکام سی اے اے ہیڈ کوارٹرز کا دورہ بھی کریں گے جبکہ ٹیم کی پی آئی اے آفیشلز سے بھی ملاقات کا امکان ہے۔
خیال رہے پاکستان انٹرنیشنل ایئر لائنز (پی آئی اے) کو حاصل کرنے میں دلچسپی رکھنے والی نجی کمپنیوں نے ایئر لائن کے روزانہ فلائٹ آپریشنز کے بارے میں تفصیلی معلومات طلب کی ہیں۔
ذرائع کے مطابق کمپنیوں نے پی آئی اے کی روزانہ کی پروازوں بشمول اندرون ملک اور بین الاقوامی روٹس کی تفصیلات بھی طلب کی ہیں۔
نجی کمپنیوں نے پریمیم پروازوں اور دیگر ممالک کے ساتھ فضائی سروس کے معاہدوں سے حاصل ہونے والی ایئرلائن کی آمدنی سے متعلق بھی معلومات طلب کیں۔
