ممبئی: بالی ووڈ کے معروف اداکار ارجن کپور نے مشہور پاکستانی گانے کی ویڈیو انسٹا اسٹوری پر شیئر کردی۔
بھارتی اداکار ارجن کپور نے اپنی انسٹا اسٹوری میں کوک اسٹوڈیو کے سیزن 14 کا سپر ہٹ گانا ’پسوڑی‘ سنتے ہوئے ایک اسکرین شاٹ شیئر کیا۔
ارجن نے انسٹا اسٹوری میں اس گانے کے پاکستانی گلوکار علی سیٹھی اور شئے گل کو بھی ٹیگ کیا۔
دوسری جانب بھارت کے معروف گلوکار ارمان ملک بھی کوک اسٹوڈیو کے مداح ہوگئے۔
گلوکار نے سماجی رابطے کی ویب سائٹ ٹوئٹر پر کوک اسٹوڈیو کی تعریف کرتے ہوئے لکھا کہ ’کوک اسٹوڈیو کا تو لیول ہی الگ ہے۔‘
انہوں نے اپنی آواز میں کوک اسٹوڈیو سیزن 14 کا مشہور گانا پسوڑی اپنی آواز میں بھی گایا اور ٹوئٹر پر شیئر بھی کیا۔
Currently obsessed with #Pasoori by Ali Sethi and Shae Gill! ❤️ pic.twitter.com/HlFWYtRFxO
— ARMAAN MALIK (@ArmaanMalik22) April 7, 2022
ارمان ملک نے لکھا کہ آج کل علی سیٹھی اور شائے گل کے گانے پسوڑی نے اپنے سحر میں مبتلا کیا ہوا ہے۔
واضح رہے کہ کوک اسٹوڈیو سیزن 14 کے مشہور گانے ’پسوڑی‘ کو پاکستانی فنکاروں اور مداحوں کی جانب سے بھی خوب سراہا گیا تھا۔