بھارت میں حجاب تنازع میں جج پر تنقید کرنا بھارتی اداکار کو مہنگا پڑ گیا، پولیس نے چیتن کمار کو گرفتار کرلیا۔
بھارتی میڈیا کی رپورٹس کے مطابق اداکار چیتن کمار نے حجاب پر پابندی کے خلاف دائر کردہ درخواست کی سماعت کرنے والے جج کو تنقید کا نشانہ بنایا۔
سماجی رابطے کی ویب سائٹ ٹوئٹر پر اداکار چیتن کمار نے اپنے دو سال پرانی ٹوئٹ کا حوالہ دیتے ہوئے لکھا کہ یہ ٹوئٹ میں نے دو سال قبل کرناٹک ہائی کورٹ کے فیصلے پے کی تھی، جسٹس کرشنا نےجنسی زیادتی کے کیس میں انتہائی متنازع بیان جاری کیا تھا۔
اداکار نے مزید لکھا کہ اب وہی جج تعلیمی اداروں میں حجاب پر عائد پابندی کا فیصلہ کرنے جا رہا ہے۔ چیتن کمار کو اس ٹوئٹ کے بعد بنگلور پولیس نے حراست میں لے لیا۔
This is a tweet I wrote nearly two years ago regarding a Karnataka High Court decision
Justice Krishna Dixit made such disturbing comments in a rape case
Now this same judge is determining whether #hijabs are acceptable or not in govt schools
Does he have the clarity required? pic.twitter.com/Vg8VRXmJTW
— Chetan Kumar Ahimsa / ಚೇತನ್ ಅಹಿಂಸಾ (@ChetanAhimsa) February 16, 2022
خیال رہے کہ بھارت کی ریاست کرناٹک میں حجاب پر پابندی کے خلاف سابق بھارتی اداکارہ زائرہ وسیم نے اپنے سخت ردِعمل کا اظہار کیا تھا۔
ٹوئٹر پر جاری اپنے بیان میں زائرہ وسیم نے کہا تھا کہ اسلام میں حجاب کوئی انتخاب نہیں بلکہ ایک فریضہ ہے، عورت جب حجاب پہنتی ہے تو وہ اس فریضہ کو ادا کرتی ہے جو اسے اللہ نے دیا ہے۔
ان کا کہنا تھا کہ عوات حجاب سے محبت کرتی ہے اور اپنی محبت کے اظہار میں وہ اعلان ہے کہ اس نے اپنے آپ کو اس کے سپرد کردیا ہے۔
سابق اداکارہ نے مزید کہا تھا کہ میں ایک عورت کے طور پر جو کہ شکر گزاری اور عاجزی کے ساتھ حجاب پہنتی ہوں اس پورے نظام کی مخالفت کرتی ہوں جہاں خواتین کو صرف ایک مذہبی وابستگی کی وجہ سے روکا اور ہراساں کیا جارہا ہے۔
