وہ بالی ووڈ اداکار جن کے ساتھ پُراسرار خوفناک واقعات پیش آئے -
The news is by your side.

Advertisement

وہ بالی ووڈ اداکار جن کے ساتھ پُراسرار خوفناک واقعات پیش آئے

ممبئی: بالی ووڈ انڈسٹری کے نامور اداکاروں نے شوٹنگ کے دوران پیش آنے والے پراسرار واقعات پر پہلی بار خاموشی توڑتے ہوئے حقیقت بیان کردی۔

تفصیلات کے مطابق اداکار فلموں میں کچھ مناظر کے لیے پراسرار مقامات پر شوٹنگ کرواتے ہیں، اس دوران بعض اوقات اُن کے ساتھ اکثر حقیقی خوفناک واقعات رونما ہوتے ہیں۔

بالی ووڈ اداکاروں کے نامور فنکاروں نے اپنے ساتھ شوٹنگ کے دوران پیش آنے والے لرزہ خیز واقعات بیان کیے جن میں انہیں پراسرار شے کی موجودگی یا آوازوں کا احساس ہوا۔

بھارتی میڈیا نے فنکاروں کے ساتھ پیش آنے والے حقیقی واقعات کا احوال بیان کیا جو خود اُن فنکاروں اور مداحوں کے لیے پریشان کُن ہے کیونکہ اس طرح کی باتیں میڈیا انڈسٹری میں ابھی تک سامنے نہیں آئیں تھیں۔

مزید پڑھیں: سنگاپور: ہائی وے پر پراسرار مخلوق، ویڈیو وائرل

نامور اداکار گوندا کے ساتھ ڈراؤنا واقعہ اُس وقت پیش آیا جب وہ اپنی فلم کی شوٹنگ دور دراز پہاڑی علاقے میں کررہے تھے، اُن کا کہنا تھا کہ ’شوٹنگ کے دوران ہم نے ہوٹل کا کمرہ بُک کیا، ایک روز جب میں بیدار ہوا تو محسوس ہوا کوئی پراسرار عورت نما مخلوق سینے پر بیٹھی ہے‘۔

گوندا کا کہنا تھا کہ ’میری اُس دوران حالت بہت عجیب و غریب ہوگئی تھی اور یہ میری زندگی کے خوفناک ترین واقعے میں سے ایک ہے جسے کبھی فراموش نہیں کرسکتا، آج بھی اگر وہ منظر یاد آجائے تو خوفزدہ ہوجاتا ہوں‘۔

اداکارہ سوہا علی خان نے اپنے ساتھ پیش آنے والے واقعہ سے متعلق کہا کہ ’گیگز آف گوسٹس‘ فلم کی شوٹنگ کے دوران میں اور ساتھی ماہی گل جب پرانی عمارت میں داخل ہوئے تو ہم نے اندر موجود خالی کمروں سے پُراسرار خوفناک آوازیں خود سنیں، آہستہ آہستہ یہ چیخوں میں تبدیل ہوئیں جس کے باعث پوری ٹیم خوفزدہ ہوئی اور ہم وقت ضائع کیے بغیر اُس جگہ سے نکل گئے۔

یہ بھی پڑھیں: اسکول میں دوبارہ پراسرار مخلوق کی موجودگی؟ ویڈیو وائرل

اسے بھی دیکھیں: بچی کی گڑیا کے قریب پراسرار روشنی، ویڈیو وائرل

باصلاحیت اداکارہ بپاشا باسو نے اپنے ساتھ پیش آنے والے واقعے کی تفصیل سے آگاہ کیا کہ ’میں نوازالدین صدیقی کے ساتھ فلم ’آتما‘ کی شوٹنگ کے لیے موجود تھی تو اس دوران مجھے خاتون کی آواز سنائی دی، وہ گانے گا رہی تھی‘۔

اُن کا کہنا تھا کہ ’گانے کی آواز میرے ساتھ نوازالدین اور کیمرہ مین نے بھی سنی مگر جب ہم نے ریکارڈنگ دوبارہ چلائی تو ایسی کوئی آواز موجود ہی نہیں تھی‘۔

نوازالدین صدیقی نے اپنے واقعے کو بیان کرتے ہوئے بتایا کہ ’ایک سین کی شوٹنگ کے دوران میرے پیچھے دیوار پر فوٹو فریم لگا ہوا تو جو اچانک گر کر چکنا چور ہوا، اُس کمرے میں نہ ہوا تھی اور یہ ایسی کوئی چیز جس کی وجہ سے فریم نیچے گرتا حتیٰ کہ دیوار پر لگی کیل بھی اپنی جگہ پر موجود تھی‘۔

ورن دھون نے بتایا کہ اُن کے ساتھ پرُاسرار واقعہ بیرونِ ملک شوٹنگ کے دوران پیش آیا۔ اُن کا کہنا تھا کہ ’میں ایک ایسے ہوٹل میں قیام پذیر تھا جہاں آنجہانی امریکی اداکار فرینک سنتا بھی رُکی تھیں۔

ادکار کا کہنا تھا کہ ’ایک روز جب رات گئے شوٹنگ کے بعد واپس کمرے میں آیا تو اچانک دروازہ کھلا اور ایسا محسوس ہوا کہ کوئی اندر داخل ہوا اور پھر کمرے میں فرینک کے گنگنانے کی آوازیں بھی آئیں، جس کے بعد میں کمرہ چھوڑ کر باہر بھاگ گیا‘۔

Comments

comments

یہ بھی پڑھیں