The news is by your side.

Advertisement

بالی ووڈ اداکار عرفان خان کو موذی مرض لاحق

ممبئی: بالی ووڈ اداکارہ عرفان خان نے انکشاف کیا ہے کہ انوکھی کہانیوں کی تلاش میں میری زندگی مشکوک ہوگئی اور مجھے موذی مرض لاحق ہوگیا جس کی وجہ سے گزشتہ کئی دنوں سے مشکلات کا سامنا ہے۔

سماجی رابطے کی ویب سائٹ پر ٹوئٹر پر نامور بھارتی اداکار نے کہا کہ کبھی کبھی آپ کے دن کا آغاز ایسے انوکھے واقعات کے ساتھ ہوتا ہے جو آپ کو زندگی کو ہلا کر رکھ دیتا ہے گزشتہ 15 دن سے میرے اوپر یہی کیفیت طاری ہے۔

اُن کا کہنا تھا کہ نایاب کہانیوں کی تلاش مجھے اچھوتی بیماری کی طرف لے جائے گی اس بات کا بالکل علم نہیں تھا تاہم اب جب مرض لاحق ہونے کی تصدیق ہوچکی تب بھی میں نے شکست تسلیم نہیں کی۔

عرفان خان کا مزید کہنا تھا کہ اہل خانہ، عزیز و اقارب اور  دوست مشکل کی اس گھڑی میں میرے ساتھ کھڑے ہیں اور ہم سب مل کر بہتر طریقے سے اس صورت حال سے باہر نکلنے کے لیے کام کررہے ہیں۔

مزید پڑھیں: ’ہندی میڈیم‘ سارہ علی عرفان خان کی بیٹی بنیں گی

بالی ووڈ اداکار نے میڈیا نمائندگان اور دیگر ذرائع سے درخواست کی کہ وہ ازراہ کرم قیاس آرائیوں سے گریز کریں، جو بھی صورتحال ہو گی وہ خود آئندہ 10 روز کے اندر تمام تر تفصیل سب کے سامنے خود لائیں گے۔

عرفان خان نے مداحوں سے درخواست کرتے ہوئے کہا کہ مرض کی تشخیص کے لیے تحقیقات کروائی ہیں لہذا آپ سب میرے حق میں دعا کریں اور اپنی نیک خواہشات سے نوازیں۔

واضح رہے کہ گزشتہ برس ریلیز ہونے والی ’ہندی میڈیم‘ میں پاکستانی اداکارہ صبر قمر اور عرفان خان مرکزی کردار ادا کرتے نظر آئے تھے، فلم نے باکس آفس پر تو کوئی خاطر خواہ کاروبار نہیں کیا البتہ فلم فیئر ایوارڈ میں اسے بہترین فلم قرار دیا گیا جبکہ عرفان خان نے سال کے بہترین اداکار کا ایوارڈ بھی اسی کی وجہ سے حاصل کیا۔


خبر کے بارے میں اپنی رائے کا اظہار کمنٹس میں کریں، مذکورہ معلومات کو زیادہ سے زیادہ لوگوں تک پہنچانے کےلیے سوشل میڈیا پرشیئر کریں

Print Friendly, PDF & Email

Comments

comments

یہ بھی پڑھیں