بالی وڈ فلم ’اے دل ہے مشکل‘ کا پہلا ٹریلر جاری -
The news is by your side.

Advertisement

بالی وڈ فلم ’اے دل ہے مشکل‘ کا پہلا ٹریلر جاری

ممبئی: معروف بھارتی ہدایتکار کرن جوہر کی فلم ’اے دل ہے مشکل‘ کا شائقین کو بے صبری سے انتظار ہے، بالی وڈ فلم ’اے دل ہے مشکل‘ کا پہلا ٹریلر جاری کردیا گیا ہے۔

تفصیلات کے مطابق بالی وڈ فلم ’اے دل ہے مشکل‘ کا پہلا ٹریلر جاری کردیا گیا ہے، فلم کے پہلے ٹریلر کو دیکھ کر اندازہ ہورہا ہے کہ رنبیر انوشکا اور ایشوریہ کی محبت میں مبتلا نظر آئے جبکہ فواد خان نے اس فلم میں انوشکا شرما کے سابق عاشق کا کردار ادا کیا ہے۔

ٹریلر میں دیکھا جاسکتا ہے کہ رنبیر کپور اپنے سے لگ بھگ دس سال بڑی ایشوریہ کی محبت میں مبتلا ہوجاتے ہیں۔

ae-dil-hai-mushkil

فلم میں رنبیر کپور انوشکا کے ایک بہترین دوست کے طور پر سامنے آئے جبکہ ایشوریا رائے بچن نے بھی اپنی خوبصورتی اور اداکاری سے مداحوں کو لاجواب کردیا ہے۔

اس سے قبل فلم کا ٹائٹل سانگ بھی ریلیز کیا گیا تھا، جس نے مقبولیت کے تمام ریکارڈ توڑ دیئے تھے، اس گانے کو یوٹیوب پر 10 روز میں ایک کروڑ سے زائد افراد نے دیکھا۔

فلم ’’اے دل ہے مشکل‘‘ میں رنبیر کپور، فواد خان، ایشوریا رائے بچن اور انوشکا شرما نے مرکزی کردارادا کیا ہے، فلم کی کہانی پیار محبت، تعلقات اور ٹوٹتے دلوں پر مبنی ہے، جو تین کرداروں کے گرد گھومتی ہے۔

ae-dil-hai-mushkil-1

واضح رہے کہ بالی وڈ کے کامیاب پروڈیوسر اور ہدایت کار کرن جوہر نے اس فلم کی ہدایات دی ہیں، فلم ’اے دل ہے مشکل‘ رواں سال 28 اکتوبر کو ریلیز کی جائے گی۔

Comments

comments

یہ بھی پڑھیں